SANTO zaýytynyń 135 jyldyǵy aiasynda iske qosylǵan tsehtyń ashylý saltanatyna Ońtústik Qazaqstan oblysynyń ákimi Janseiit Túimebaev, QR IDM Investitsiialar komitetiniń tóraǵasy bolyp Saparbek Tuiaqbaev, Polsha memleketiniń Ekonomikalyq damý vitse-ministri Tadeýsh Kostinskii, QR Densaýlyq saqtaý ministrliginiń Farmatsiia komitetiniń tóraiymy Liýdmila Biýrobekova, sonymen birge SANTO kompaniiasynyń bas aktsionerleri men kompaniia seriktesteri jáne BAQ ókilderi qatysty.
Kompaniianyń mereitoilyq saltanatty sharasynda sóz alǵan oblys ákimi J.Túimebaev zaýyt basshylary men qyzmetkerlerin búgingi qos qýanyshpen quttyqtady.
«Búgin biz «Himfarm» AQ-nyń qatty dári shyǵaratyn jańa tsehynyń ashylý saltanatyna qatysyp otyrmyz. 1882 jyly qurylǵan «Himfarm» AQ respýblikamyzdaǵy eski farmatsevtikalyq kásiporyndardyń biri. Búgin mine atalǵan kásiporynǵa 135 jyl tolyp otyr. 2011 jyldyń tamyz aiynan kásiporynnyń seriktesi eýropalyq «Polpharmagroup» kompaniiasy bolyp keledi. Kásiporynnyń órkendep damýyna tilektestigimdi bildire otyryp, el ekonomikasynyń damýyna qosar úlesterińiz kóp bolsyn deimin. Zaýyt jumysshylarynyń isterine sáttilik tileimin»,- dedi ákim.
Jańa tseh farmatsevtikalyq ónimderge qoiylatyn GMP talaptaryna sai salynǵan. Qatty dári shyǵaratyn óndiris tsehy zamanaýi qurylǵylarmen jabdyqtalǵan. Munda 72 adam jumyspen qamtylsa, olardyń basym bóligi arnaiy baryp Polpharma tobynyń úzdik óndiris oryndarynda oqyp kelgen. Shymkenttegi investitsiialyq jobanyń mańyzdy bóligi bolyp tabylatyn atalmysh óndiristiń quny 13,5 AQSh dollaryn quraidy.
Sondai-aq, QR Úkimeti men Ońtústik Qazaqstan oblysy ákimdiginiń qoldaýymen SANTO kompaniiasynyń ónimderin satyp alý kepildigi berilip otyr.
- Búgin biz qatty peroraldy dárilerdiń jańa óndirisin iske qostyq. Bul 2011 jyldan beri ashylǵan, halyqaralyq GMP sapa standartyna sai keletin úshinshi tseh. Bizdiń dári-dármek Qazaqstan men kórshi elderdegi ambýlatoriialar men statsionar emdeý mekemelerinde tiimdi qoldanylýda. SANTO-nyń turaqty jáne údemeli damýynyń taǵy bir jobasyn sátti aiaqtaǵanymyzdy maqtan tutamyz, - dedi kompaniianyń bas direktory Iji Ýrbanets.
«Himfarm» zaýytynyń óndiris qorjynynda terapiianyń túrli salalaryndaǵy aýrýlardy emdeýge arnalǵan 12 faramatsevtikalyq topqa jatatyn generiktik jáne túpnusqa¬lyq 200-den astam dári-dármek bar. Kompaniia óz ónimderiniń 90% ishki naryqqa jetkizse, 10%-yn bes elge eksporttaidy. Iaǵni, Resei, Qyrǵyzstan, Tájikstan, Monǵoliia jáne Túrikmenstan.
Polfarm kompaniiasy farmatsevtikalyq ónimderdiń jańa túrlerin jańǵyrtý jáne óndirý maqsatynda «Himfarm» AQ-na 100 mln. AQSh dollarynan astam investitsiia quidy. Qazirgi ýaqytta kompaniia dári-dármekter óndirýshilerdiń arasynda jetekshi oryn alady jáne otandyq dári-dármekter naryǵynyń 40 paiyzyn, al elimizdegi jalpy dári-dármekter naryǵynyń 4 paiyzyn qamtidy.
Aita keteiik, 2016 jyly Polsha Respýblikasy men OQO arasyndaǵy taýar ainalym 13,3 mln. AQSh dollaryn qurasa, jyl basynan beri taýar ainalym 8,5 mln. AQSh dollaryn qurady.
OQO ákiminiń baspasóz qyzmeti
