SANTO زاۋىتىنىڭ 135 جىلدىعى اياسىندا ىسكە قوسىلعان سەحتىڭ اشىلۋ سالتاناتىنا وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ، ق ر يدم ينۆەستيسيالار كوميتەتىنىڭ ءتوراعاسى بولىپ ساپاربەك تۇياقبايەۆ، پولشا مەملەكەتىنىڭ ەكونوميكالىق دامۋ ۆيسە-مينيسترى تادەۋش كوستينسكيي، ق ر دەنساۋلىق ساقتاۋ مينيسترلىگىنىڭ فارماسيا كوميتەتىنىڭ ءتورايىمى ليۋدميلا بيۋروبەكوۆا، سونىمەن بىرگە SANTO كومپانياسىنىڭ باس اكسيونەرلەرى مەن كومپانيا سەرىكتەستەرى جانە ب ا ق وكىلدەرى قاتىستى.
كومپانيانىڭ مەرەيتويلىق سالتاناتتى شاراسىندا ءسوز العان وبلىس اكىمى ج.تۇيمەبايەۆ زاۋىت باسشىلارى مەن قىزمەتكەرلەرىن بۇگىنگى قوس قۋانىشپەن قۇتتىقتادى.
«بۇگىن ءبىز «حيمفارم» اق-نىڭ قاتتى ءدارى شىعاراتىن جاڭا سەحىنىڭ اشىلۋ سالتاناتىنا قاتىسىپ وتىرمىز. 1882 جىلى قۇرىلعان «حيمفارم» اق رەسپۋبليكامىزداعى ەسكى فارماسيەۆتيكالىق كاسىپورىنداردىڭ ءبىرى. بۇگىن مىنە اتالعان كاسىپورىنعا 135 جىل تولىپ وتىر. 2011 جىلدىڭ تامىز ايىنان كاسىپورىننىڭ سەرىكتەسى ەۋروپالىق «Polpharmagroup» كومپانياسى بولىپ كەلەدى. كاسىپورىننىڭ وركەندەپ دامۋىنا تىلەكتەستىگىمدى بىلدىرە وتىرىپ، ەل ەكونوميكاسىنىڭ دامۋىنا قوسار ۇلەستەرىڭىز كوپ بولسىن دەيمىن. زاۋىت جۇمىسشىلارىنىڭ ىستەرىنە ساتتىلىك تىلەيمىن»،- دەدى اكىم.
پولفارم كومپانياسى فارماسيەۆتيكالىق ونىمدەردىڭ جاڭا تۇرلەرىن جاڭعىرتۋ جانە ءوندىرۋ ماقساتىندا «حيمفارم» اق-نا 100 ملن. اقش دوللارىنان استام ينۆەستيسيا قۇيدى. قازىرگى ۋاقىتتا كومپانيا دارى-دارمەكتەر وندىرۋشىلەردىڭ اراسىندا جەتەكشى ورىن الادى جانە وتاندىق دارى-دارمەكتەر نارىعىنىڭ 40 پايىزىن، ال ەلىمىزدەگى جالپى دارى-دارمەكتەر نارىعىنىڭ 4 پايىزىن قامتيدى.
جاڭا سەح فارماسيەۆتيكالىق ونىمدەرگە قويىلاتىن GMP تالاپتارىنا ساي سالىنعان. قاتتى ءدارى شىعاراتىن ءوندىرىس سەحى زاماناۋي قۇرىلعىلارمەن جابدىقتالعان. مۇندا 72 ادام جۇمىسپەن قامتىلسا، ولاردىڭ باسىم بولىگى ارنايى بارىپ Polpharma توبىنىڭ ۇزدىك ءوندىرىس ورىندارىندا وقىپ كەلگەن. شىمكەنتتەگى ينۆەستيسيالىق جوبانىڭ ماڭىزدى بولىگى بولىپ تابىلاتىن اتالمىش ءوندىرىستىڭ قۇنى 13،5 اقش دوللارىن قۇرايدى.
سونداي-اق، ق ر ۇكىمەتى مەن وڭتۇستىك قازاقستان وبلىسى اكىمدىگىنىڭ قولداۋىمەن SANTO كومپانياسىنىڭ ونىمدەرىن ساتىپ الۋ كەپىلدىگى بەرىلىپ وتىر.
- بۇگىن ءبىز قاتتى پەرورالدى دارىلەردىڭ جاڭا ءوندىرىسىن ىسكە قوستىق. بۇل 2011 جىلدان بەرى اشىلعان، حالىقارالىق GMP ساپا ستاندارتىنا ساي كەلەتىن ءۇشىنشى سەح. ءبىزدىڭ دارى-دارمەك قازاقستان مەن كورشى ەلدەردەگى امبۋلاتوريالار مەن ستاسيونار ەمدەۋ مەكەمەلەرىندە ءتيىمدى قولدانىلۋدا. SANTO-نىڭ تۇراقتى جانە ۇدەمەلى دامۋىنىڭ تاعى ءبىر جوباسىن ءساتتى اياقتاعانىمىزدى ماقتان تۇتامىز، - دەدى كومپانيانىڭ باس ديرەكتورى يجي ۋربانەس.
«حيمفارم» زاۋىتىنىڭ ءوندىرىس قورجىنىندا تەراپيانىڭ ءتۇرلى سالالارىنداعى اۋرۋلاردى ەمدەۋگە ارنالعان 12 فاراماسيەۆتيكالىق توپقا جاتاتىن گەنەريكتىك جانە ءتۇپنۇسقا¬لىق 200-دەن استام دارى-دارمەك بار. كومپانيا ءوز ونىمدەرىنىڭ 90% ىشكى نارىققا جەتكىزسە، 10%-ىن بەس ەلگە ەكسپورتتايدى. ياعني، رەسەي، قىرعىزستان، تاجىكستان، مونعوليا جانە تۇرىكمەنستان.
پولفارم كومپانياسى فارماسيەۆتيكالىق ونىمدەردىڭ جاڭا تۇرلەرىن جاڭعىرتۋ جانە ءوندىرۋ ماقساتىندا «حيمفارم» اق-نا 100 ملن. اقش دوللارىنان استام ينۆەستيسيا قۇيدى. قازىرگى ۋاقىتتا كومپانيا دارى-دارمەكتەر وندىرۋشىلەردىڭ اراسىندا جەتەكشى ورىن الادى جانە وتاندىق دارى-دارمەكتەر نارىعىنىڭ 40 پايىزىن، ال ەلىمىزدەگى جالپى دارى-دارمەكتەر نارىعىنىڭ 4 پايىزىن قامتيدى.
ايتا كەتەيىك، 2016 جىلى پولشا رەسپۋبليكاسى مەن وقو اراسىنداعى تاۋار اينالىم 13،3 ملن. اقش دوللارىن قۇراسا، جىل باسىنان بەرى تاۋار اينالىم 8،5 ملن. اقش دوللارىن قۇرادى.
وقو اكىمىنىڭ باسپا ءسوز قىزمەتى
