Halyqaralyq valiýta qory (HVQ) jańa statistikalyq derekterdi jariialady, oǵan sáikes 2025 jyly Qazaqstan jan basyna shaqqandaǵy JIÓ kórsetkishindegi aǵymdaǵy baǵalary boiynsha postkeńestik reitingte alǵash ret alǵa sýyrylyp shyqty, dep habarlaidy Dalanews.kz.
Qordyń málimetinshe, aǵymdaǵy baǵa deńgeii men infliatsiiany qamtityn bul kórsetkish 14,77 myń dollarǵa jetip, el tarihyndaǵy eń joǵary deńgeidi jáne damýshy ekonomikalar arasynda álemdegi eń úzdik nátijelerdiń birin tanytty.
HVQ málimetteri boiynsha, Qazaqstan reiting boiynsha eń jaqyn kórshileri – Reseidi (14,26 myń dollar) jáne Túrikmenstandy (13,34 myń dollar) basyp ozyp qana qoimai, sondai-aq jan basyna shaqqandaǵy JIÓ 13,69 myń dollardy quraityn Qytaidyń da aldyn oraidy.
Tizimde odan ári myna elder tur: Grýziia (9,57 myń), Armeniia (8,86 myń), Moldova (8,26 myń), Belarýs (7,88 myń), Ázirbaijan (7,6 myń), Ýkraina (6,26 myń), Ózbekstan (3,51 myń), Qyrǵyzstan (2,75 myń) jáne Tájikstan (1,43 myń).
Reitingtiń tóbesinde Latviia (24,37 myń dollar), Litva (30,84 myń dollar) jáne Estoniia (32 myń dollar) tur.
Máselen, Túrkiiada jan basyna shaqqandaǵy JIÓ 16,71 myń dollarǵa, Ýkrainada 6,26 myń dollarǵa, Úndistanda 2,88 myń dollarǵa, AQSh-ta 89,11 myń dollarǵa teń.
Buǵan deiin saitymyzda "Halyqaralyq valiýta qory Qazaqstan ekonomikasyna tónip turǵan qaýip-qaterlerdi atady" degen material jariialanǵan bolatyn.
