Almatynyń burynǵy ákimi Viktor Hrapýnov AQSh-ta "kúmándi aqshaǵa" jyljymaityn múlik alǵan kásipkerler tizimine kirdi. Shveitsariiada turyp jatqan Hrapýnov týraly aqparat Global Financial Integrity tergeýinen biraq shyqqan. Qujatta AQSh-ta keiingi 20 jylda alynǵan kommertsiialyq múlikter týraly aqparat qamtylǵan, dep habarlaidy Dalanews.kz.
Bul týraly aqparat Shishkin like arnasynda paida boldy. Ondaǵy málimet boiynsha, 20 jylda alynǵan kommertsiialyq múlikter týraly aqparattyń ishinde 25 jaǵdaida múlik zańsyz, boljam boiynsha zańsyz nemese kúmándi aqshaǵa satyp alynǵan. Úsh satyp alýshy Qazaqstanmen bailanysty bolyp shyqqan. Onyń ishinde: Viktor Hrapýnov, Saýat Myńbaev (bir kezderi munai jáne gaz ministri bolǵan adam) jáne Asqar Alshynbaev (Qazkommertsbanktiń burynǵy basshylarynyń biri) bar.
Global Financial Integrity zertteýindegi derekter boiynsha, aýrýhana ǵimaratyn, biznes keńse ǵimaratyn jáne sýpermarket satyp alynǵan. Olardyń jalpy quny 35 million dollar. Satyp alý deldaldar arqyly ótken. Odan bólek, Hrapýnov 2013 jyly shveitsariialyq deldal kompaniia arqyly Niý-Iorkte 600 myń sharshy fýt nysandy satyp alǵan. Amerikalyq reporterler bul nysandy naqty kim satyp alǵanyn anyqtaýǵa tyrysqanymen kompaniia ókilderi betin planshetpen búrkep, qashyp ketken.
Eske salaiyq, buǵan deiin Hrapýnov Almatyny basqarǵan kezinde shyǵarǵan sheshimi jaramsyz bolyp qalǵanyn jazǵan edik.15 aqpanda Almaty qalasynyń mamandandyrylǵan aýdanaralyq ekonomikalyq sotynyń 2023 jyly 27 qazandaǵy múliktik jedel meditsinalyq járdem kesheniniń bir bóligin jeke menshikke shyǵarý týraly sheshimdi jaramsyz dep taný týraly sheshimi zańdy kúshine endi.
Sotta Almaty qalasynyń burynǵy ákimi Viktor Hrapýnovtyń aýdany 3800 m2 jáne 50 sotyq jer (Raiymbek dańǵyly, 196) ǵimaratty jeke qurylymdarǵa shyǵarý týraly sheshiminiń zańsyzdyǵy rastaldy.
Nátijesinde qadaǵalaý organynyń sharalarymen qalanyń densaýlyq saqtaý salasyndaǵy múliktik keshenniń bir bóligi memleket menshigine qaitaryldy.
Sonymen qatar, 5 maýsymda Viktor Hrapýnov satyp jibergen meditsinalyq mekeme memleketke qaitaryldy.
Buǵan deiin Almaty qalasy Mamandandyrylǵan aýdanaralyq ekonomikalyq sotynyń 2023 jyl 27 qazandaǵy sheshimimen, qala prokýrorynyń memlekettik múlikti jeke menshikke berý jónindegi áreketterdi zańsyz dep taný týraly talap-aryzy qanaǵattandyrylǵany habarlanǵan bolatyn. Sot sheshimi zańdy kúshine endi.
Aýdany 3974 m2 jáne 50 sotyq jeri bar bul keshendi, Almaty qalasynyń burynǵy ákimi Viktor Hrapýnov jeke qurylymdarǵa zańsyz bergen.
Qazirgi ýaqytta jyljymaityn múlik, qala ákiminiń 25 sáýirdegi qaýlysymen jedel meditsinalyq járdem qyzmetiniń teńgerimine berildi, qosymsha qosalqy stantsiia ashý josparlanýda.
