الماتىنىڭ بۇرىنعى اكىمى ۆيكتور حراپۋنوۆ اقش-تا "كۇماندى اقشاعا" جىلجىمايتىن مۇلىك العان كاسىپكەرلەر تىزىمىنە كىردى. شۆەيساريادا تۇرىپ جاتقان حراپۋنوۆ تۋرالى اقپارات Global Financial Integrity تەرگەۋىنەن ءبىراق شىققان. قۇجاتتا اقش-تا كەيىنگى 20 جىلدا الىنعان كوممەرسيالىق مۇلىكتەر تۋرالى اقپارات قامتىلعان، دەپ حابارلايدى Dalanews.kz.
بۇل تۋرالى اقپارات Shishkin like ارناسىندا پايدا بولدى. ونداعى مالىمەت بويىنشا، 20 جىلدا الىنعان كوممەرسيالىق مۇلىكتەر تۋرالى اقپاراتتىڭ ىشىندە 25 جاعدايدا مۇلىك زاڭسىز، بولجام بويىنشا زاڭسىز نەمەسە كۇماندى اقشاعا ساتىپ الىنعان. ءۇش ساتىپ الۋشى قازاقستانمەن بايلانىستى بولىپ شىققان. ونىڭ ىشىندە: ۆيكتور حراپۋنوۆ، ساۋات مىڭبايەۆ (ءبىر كەزدەرى مۇناي جانە گاز ءمينيسترى بولعان ادام) جانە اسقار الشىنبايەۆ (قازكوممەرسبانكتىڭ بۇرىنعى باسشىلارىنىڭ ءبىرى) بار.
Global Financial Integrity زەرتتەۋىندەگى دەرەكتەر بويىنشا، اۋرۋحانا عيماراتىن، بيزنەس كەڭسە عيماراتىن جانە سۋپەرماركەت ساتىپ الىنعان. ولاردىڭ جالپى قۇنى 35 ميلليون دوللار. ساتىپ الۋ دەلدالدار ارقىلى وتكەن. ودان بولەك، حراپۋنوۆ 2013 جىلى شۆەيساريالىق دەلدال كومپانيا ارقىلى نيۋ-يوركتە 600 مىڭ شارشى فۋت نىساندى ساتىپ العان. امەريكالىق رەپورتەرلەر بۇل نىساندى ناقتى كىم ساتىپ العانىن انىقتاۋعا تىرىسقانىمەن كومپانيا وكىلدەرى بەتىن پلانشەتپەن بۇركەپ، قاشىپ كەتكەن.
ەسكە سالايىق، بۇعان دەيىن حراپۋنوۆ الماتىنى باسقارعان كەزىندە شىعارعان شەشىمى جارامسىز بولىپ قالعانىن جازعان ەدىك.15 اقپاندا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2023 جىلى 27 قازانداعى مۇلىكتىك جەدەل مەديسينالىق جاردەم كەشەنىنىڭ ءبىر بولىگىن جەكە مەنشىككە شىعارۋ تۋرالى شەشىمدى جارامسىز دەپ تانۋ تۋرالى شەشىمى زاڭدى كۇشىنە ەندى.
سوتتا الماتى قالاسىنىڭ بۇرىنعى اكىمى ۆيكتور حراپۋنوۆتىڭ اۋدانى 3800 م2 جانە 50 سوتىق جەر (رايىمبەك داڭعىلى، 196) عيماراتتى جەكە قۇرىلىمدارعا شىعارۋ تۋرالى شەشىمىنىڭ زاڭسىزدىعى راستالدى.
ناتيجەسىندە قاداعالاۋ ورگانىنىڭ شارالارىمەن قالانىڭ دەنساۋلىق ساقتاۋ سالاسىنداعى مۇلىكتىك كەشەننىڭ ءبىر بولىگى مەملەكەت مەنشىگىنە قايتارىلدى.
سونىمەن قاتار، 5 ماۋسىمدا ۆيكتور حراپۋنوۆ ساتىپ جىبەرگەن مەديسينالىق مەكەمە مەملەكەتكە قايتارىلدى.
بۇعان دەيىن الماتى قالاسى مامانداندىرىلعان اۋدانارالىق ەكونوميكالىق سوتىنىڭ 2023 جىل 27 قازانداعى شەشىمىمەن، قالا پروكۋرورىنىڭ مەملەكەتتىك مۇلىكتى جەكە مەنشىككە بەرۋ جونىندەگى ارەكەتتەردى زاڭسىز دەپ تانۋ تۋرالى تالاپ-ارىزى قاناعاتتاندىرىلعانى حابارلانعان بولاتىن. سوت شەشىمى زاڭدى كۇشىنە ەندى.
اۋدانى 3974 م2 جانە 50 سوتىق جەرى بار بۇل كەشەندى، الماتى قالاسىنىڭ بۇرىنعى اكىمى ۆيكتور حراپۋنوۆ جەكە قۇرىلىمدارعا زاڭسىز بەرگەن.
قازىرگى ۋاقىتتا جىلجىمايتىن مۇلىك، قالا اكىمىنىڭ 25 ساۋىردەگى قاۋلىسىمەن جەدەل مەديسينالىق جاردەم قىزمەتىنىڭ تەڭگەرىمىنە بەرىلدى، قوسىمشا قوسالقى ستانسيا اشۋ جوسپارلانۋدا.
