Hasan Qasymbaevty sotta Sherzat isimen belgili bolǵan advokattar qorǵap jatyr, dep habarlaidy Dalanews.kz.
Ol Darhan Áskentaidyń múddesin qorǵaǵan Maýlen Erjanov jáne Toqtaýbaevtar aǵaiyndylarynyń advokaty Gúlmira Babajanova.
Qoǵamnyń nazary Qasymbaevtyń esimin bastapqydan-aq Sherzat Polatty óltirý isiniń figýranttarymen bailanystyrǵan edi.
Hasan Qasymbaevtyń jubaiy da pikir bildirdi.
Zúlfiia Qasymbaeva kúieýine taǵylǵan aiyptardy joqqa shyǵardy.
«Joldasymnyń esimi atalyp, búkil jaǵdai Sherzat isinen bastaldy. Ózim de anamyn, bala tárbielep otyrmyn. Sondyqtan Sherzattyń otbasyna kóńil aitamyn. Biraq búkil Qazaqstan Hasan Qasymbaevtyń bul iske qatysy joq ekenine kóz jetkizdi. Osy qaralý barysynda ádildik saltanat qurady dep úmittenemin», – dedi ol NEGE tilshisine.
