Jelide hýtorlyq Hasan Qasymbaevqa qatysty bir ǵana qylmystyq is tergelip jatqany týraly habar tarady. Almaty oblysynyń Politsiia departamentiniń resmi ókilderi bul aqparatty joqqa shyǵardy, dep habarlaidy Dalanews.kz.
Buǵan deiin Kýrsiv basylymy alǵashqylardyń biri bolyp Hasan Qasymbaevqa qatysty bir ǵana qylmystyq is qaralyp jatqanyn habarlaǵan bolatyn.
"Hýtorskii Hasan" laqapatymen belgili Almaty oblysy Talǵar aýdanynyń turǵyny Hasan Qasymbaevqa qatysty bir qylmystyq isti qaraý toqtatylǵan. Oǵan qatysty adam densaýlyǵyna aýyr ziian keltirdi degen is qaralyp jatqan joq. Sotqa deiingi tergeý aiasynda sot Qasymbaevty qamaýǵa alýdy uzartý týraly sheshim qabyldady. Oǵan qatysty is Adam urlaý faktisi boiynsha tergelýde. Qazirgi ýaqytta barlyq qajetti tergeý áreketteri júrgizilýde", – delingen basylym materialynda.
Alaida Politsiia departamentiniń málimetinshe, BAQ resmi saýalyna berilgen jaýaptaǵy aqparatty durys túsinbei qalǵan.
Sondyqtan qazirgi tańda Hasan Qasymbaevqa qatysty adam urlaý, densaýlyqqa qasaqana aýyr ziian keltirý jáne bopsalaý faktileri boiynsha tergeý júrgizilip jatyr.
Eske salaiyq, Hasan Qasymbaevtyń ózi eki aiǵa qamaýǵa alynǵan bolatyn.
Keiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat Arman Alimovti urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
Ermuhamet Ertisbaev aǵasy ákimdikte jumys istegen aýdanda Hasan Qasymbaevtyń tabysqa qalai kenelgenin quqyq qorǵaý organdary tekserýi kerek dep málimdedi.
