Hasan Qasymbaev isinde aiyptalýshylardyń advokattary prokýrorǵa qarsylyq (otvod) jariialady, dep habarlaidy Dalanews.kz.
Qorǵaýshylardyń aitýynsha, prokýror Nazgúl Táýkenbai buǵan deiin bul isti birinshi satydaǵy sotta qaraýǵa qatysqan.
Sýdia qarsylyq jónindegi ótinishti qaraý úshin úzilis jariialady.
Artynsha Hasan Qasymbaev isinen prokýror shettetildi.
Memlekettik aiyptaýshy Nazgúl Táýkenbai isti birinshi satydaǵy sotta qaraý kezinde qatysqan. Sondyqtan sýdia qorǵaý tarabynyń otvod jónindegi ótinishin qanaǵattandyrdy.
Táýkenbai sot zalynan shyqty.
Búgin Hasan Qasymbaevqa qatysty sot bastaldy.
Bul is Talǵar aýdandyq sotynda qaralyp jatyr.
Isti sýdia Ainagúl Túkibaeva qarap jatyr. Aiyptalýshylar oryndyǵynda Hasan Qasymbaevtan bólek taǵy bes adam bar. Protsess memlekettik tilde ashyq túrde ótip jatyr.
Eske salaiyq, Hasan Qasymbaev byltyr qamaýǵa alynǵan bolatyn. Keiin politsiia málimdeme jasap, Hasan Qasymbaevtyń ustalýy Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol Arman Álimovti urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyly maýsymda bolǵan.
