Aitolqyn Bolatqyzy 14 jasynda júrý qozǵalysynda kinárát paida bolyp, ájesiniń qamqorlyǵynda qaldy. Degenmen jaqsylyqtan úmit úzbedi. Shyǵarmashylyqpen ainalysyp mektepti bitirgen soń Sársen Amanjolov atyndaǵy Shyǵys Qazaqstan ýniversitetine «Qazaq tili men ádebieti» mamandyǵyna oqýǵa tústi.
Aitolqyn ýniversitette de óz sheberligin kórsetip, óleń jazady. Jaqynda ǵana Amanzholov University daryndy stýdentteriniń shyǵarmalary jinaqtalǵan «Ushqynnan jalyn laýlaidy» atty kitap jaryq kórdi. Jańa týyndynyń 115-betinde onyń «Abai atama arnaý», «Karantin» siiaqty birneshe óleńderi engen.
– Ýniversitet basshylyǵy Aitolqyn men onyń ájesin alǵashqy kúnnen bastap qoldap keledi. Abai atyndaǵy grant bólindi. Odan keiin ShQO ákimi atyndaǵy grantqa ie boldy. Ájesimen stýdent páter jaldaý úshin qarjylyq qiyndyqtarǵa tap bolǵan shaqta biz olarǵa ýniversitet bazasynda jataqhanadan eki bólme bóldik, – dedi JOO rektory Muhtar Tólegen.
Aita keteiik, «Hareket» qaiyrymdylyq qory muqtaj jandardy baspanamen qamtamasyz etýdi maqsat etken. Birneshe jyl ishinde olar Qazaqstannyń az qamtylǵan azamattaryna 535 páter syilady.
Sońynda S.Amanjolov atyndaǵy Shyǵys Qazaqstan ýniversitetiniń rektory Muhtar Tólegen jinalǵan qaýymǵa qaiyrymdylyq kontsertine qatysqany úshin, onyń ishinde JOO stýdentine, baspana syilaǵan "Hareket" qaiyrymdylyq qoryna alǵysyn bildirdi. Rektor Amanzholov University páterdi barlyq qajetti tehnikamen qamtamasyz etetinin atap ótti.
