Qazaqstan Prezidenti Qasym-Jomart Toqaev Uly Otan soǵysynyń ardageri, Halyq qaharmany Ivan Gapichtiń dúnieden ótýine bailanysty onyń otbasy men jaqyndaryna kóńil aitý jedelhatyn joldady, dep habarlaidy dalanews.kz.
Memleket basshysy ardagerdiń maidandaǵy erligi men soǵystan keiingi elge sińirgen eńbegin erekshe atap ótti.
«Ivan Stepanovich maidanǵa óz erkimen attanyp, bailanysshy retinde soǵystyń sońyna deiin qatysty. Elge oralǵan soń uzaq jyldar boiy prokýratýra organdarynda minsiz qyzmet atqardy», – delingen jedelhatta.
Prezident Ivan Gapichtiń adamgershilik qaǵidattaryna adaldyǵy, kásibiligi men ádildigi úshin áriptesteri men kópshilik arasynda zor qurmetke ie bolǵanyn jetkizdi.
Qasym-Jomart Toqaev ardagerdiń ómir jolyn otansúigishtiktiń, antqa beriktiktiń jáne ádildik qundylyqtaryn ustanýdyń jarqyn úlgisi dep baǵalady.
Ivan Gapichtiń qaitys bolǵany týraly buǵan deiin Batys Qazaqstan oblysy ákimdiginiń baspasóz qyzmeti habarlaǵan. Ardager 103 jasynda, 104 jasqa qaraǵan shaǵynda ómirden ótti.
Ivan Stepanovich Gapich 1923 jyly Aqmola oblysynda dúniege kelip, Almaty qalasynda bilim alǵan.
Uly Otan soǵysy jyldarynda ol bailanysshy retinde Polsha, Chehoslovakiia jáne Ýkraina aýmaqtaryn azat etý operatsiialaryna qatysqan. Sondai-aq Máskeýde ótken tarihi Jeńis sherýine qatysýshylardyń biri boldy.
Soǵystan keiin Ivan Gapich prokýratýra organdarynda uzaq jyl eńbek etip, eldiń quqyq qorǵaý salasyna eleýli úles qosty.
