Osyǵan deiin qoǵamda sheshimin tappaǵan máseleler túrli qoǵamdyq keńesterde talqylanyp kelgenin bilemiz. Biraq olardyń kópshiliginiń jumysy «tiimdi boldy» dep kesip aita almaimyz. Sońǵy jyldardyń bederine nazar aýdaryp qarasaq, tek Ulttyq senim keńesi ǵana biraz máselege qozǵaý salǵanyn baiqaimyz.
Endi sol keńestiń júgin Ulttyq quryltai arqalaiyn dep tur. Áńgime basynda Qaiǵyly qańtardan keiin qoǵamnyń tutastai ózgergenin aittyq. Mundai jaǵdaida qoǵamdyq pikirdiń kóshbasshylary sanalatyn azamattardyń bilik oryndarymen dialogqa kelip, kókeide júrgen oilaryn ashyp aityp otyrý qajet.
Osy baǵytta qurylǵan Ulttyq quryltai dál qazir qazaq qoǵamyn tutastyra túskenin baiqaýǵa bolady. Sońǵy 30 jylda halyq pen bilik arasyndaǵy únqatysý úzilip qalǵany jasyryn emes. Endi osy olqylyqtyń ornyn Ulttyq quryltai toltyrýy tiis.
Ulttyq quryltaidyń músheligine jurttyń kókeiinde júrgen máselelelerdi ashyp aitatyn azamattardyń múshe bolýy halyqtyń atalǵan uiymǵa degen senimin bekemdei túskeni anyq.
Aitalyq, osyǵan deiin mundai uiymdardan shet qalyp júrgen Toqtar Áýbákirov, Asqar Jumadildaev, Abzal Quspan syndy qoǵamdyq pikirdiń borometrine ainalǵan azamattardyń bul iske belsene aralasyp, oilaryn ortaǵa salýy qazaq qoǵamnyń úlken ózgerister kezeńine aiaq basqanyn kórsetedi.
Ulttyq quryltai resmi organ emes, konsýltativti organ. Ulttyq quryltaiǵa 117 adam múshe bolǵanyn bilemiz. Olardyń bári túrili salanyń kóshbasshy tulǵalary desek artyq aitqandyq bolmas. Sondyqtan atqarýshy biliktiń Ulttyq quryltaida aitylǵan oi-pikirlerge qulaq asyp, birlesip jumys istese, kóptegen máselelerdi oń baǵytta sheshýge bolady. Sol sebepti halyqtyń Ulttyq quryltaiǵa degen senimi joǵary.
