Qazaqstandyq oqýshylar halyqaralyq olimpiadalardaǵy jeńisi úshin 5,5 million teńgeden syiaqy alady, dep habarlaidy Dalanews.kz.
"Álem boiynsha TOP-7 bedeldi olimpiadalarda júldeli oryn alǵan 26 qazaqstandyq oqýshy qarjylai syiaqy alady. Syiaqynyń jalpy somasy 77,5 million teńgeden asady", - dep jazylǵan habarlamada.
2023-2024 oqý jylynyń qorytyndysy boiynsha elimizdiń ulttyq quramasy eń bedeldi álemdik pándik olimpiadalarda 2 altyn, 12 kúmis, 12 qola medal jáne bir diplom ielendi.
Bul olimpiadalar:
Talantty oqýshylardy qoldaý maqsatynda 2022 jyldan bastap halyqaralyq olimpiadalardyń júldeli oryndardy ielengen oqýshylarǵa jáne olardy daiyndaǵan pedagogterge memleket tarapynan birjolǵy syiaqy taǵaiyndalǵan. Altyn medal jeńip alǵan oqýshy 1500 ailyq eseptik kórsetkish (AEK) mólsherinde, kúmis medal úshin – 1000 AEK, qola medal úshin – 500 AEK mólsherinde aqshalai syiaqy alady.
Al altyn medal iegerin daiyndaǵan pedagogke – bazalyq laýazymdyq ailyqaqy 26,5 eselengen mólsherinde; kúmis medal iegerin daiyndaǵan pedagogke – bazalyq laýazymdyq ailyqaqy 17,5 eselengen mólsherinde; qola medal iegerin daiyndaǵan pedagogke – bazalyq laýazymdyq ailyqaqy 8,5 eselengen mólsherinde beriledi.
Sonymen qatar halyqaralyq olimpiadalardyń jeńimpazdaryna qazaqstandyq JOO-nyń kez kelgenine oqýǵa túsýge bilim granty beriledi. Syiaqynyń jalpy somasy 77,5 million teńgeden asady.
