قازاقستاندىق وقۋشىلار حالىقارالىق وليمپيادالارداعى جەڭىسى ءۇشىن 5،5 ميلليون تەڭگەدەن سىياقى الادى، دەپ حابارلايدى Dalanews.kz.
"الەم بويىنشا توپ-7 بەدەلدى وليمپيادالاردا جۇلدەلى ورىن العان 26 قازاقستاندىق وقۋشى قارجىلاي سىياقى الادى. سىياقىنىڭ جالپى سوماسى 77،5 ميلليون تەڭگەدەن اسادى"، - دەپ جازىلعان حابارلامادا.
2023-2024 وقۋ جىلىنىڭ قورىتىندىسى بويىنشا ەلىمىزدىڭ ۇلتتىق قۇراماسى ەڭ بەدەلدى الەمدىك پاندىك وليمپيادالاردا 2 التىن، 12 كۇمىس، 12 قولا مەدال جانە ءبىر ديپلوم يەلەندى.
بۇل وليمپيادالار:
تالانتتى وقۋشىلاردى قولداۋ ماقساتىندا 2022 جىلدان باستاپ حالىقارالىق وليمپيادالاردىڭ جۇلدەلى ورىنداردى يەلەنگەن وقۋشىلارعا جانە ولاردى دايىنداعان پەداگوگتەرگە مەملەكەت تاراپىنان ءبىرجولعى سىياقى تاعايىندالعان. التىن مەدال جەڭىپ العان وقۋشى 1500 ايلىق ەسەپتىك كورسەتكىش (اەك) مولشەرىندە، كۇمىس مەدال ءۇشىن – 1000 اەك، قولا مەدال ءۇشىن – 500 اەك مولشەرىندە اقشالاي سىياقى الادى.
ال التىن مەدال يەگەرىن دايىنداعان پەداگوگكە – بازالىق لاۋازىمدىق ايلىقاقى 26،5 ەسەلەنگەن مولشەرىندە؛ كۇمىس مەدال يەگەرىن دايىنداعان پەداگوگكە – بازالىق لاۋازىمدىق ايلىقاقى 17،5 ەسەلەنگەن مولشەرىندە؛ قولا مەدال يەگەرىن دايىنداعان پەداگوگكە – بازالىق لاۋازىمدىق ايلىقاقى 8،5 ەسەلەنگەن مولشەرىندە بەرىلەدى.
سونىمەن قاتار حالىقارالىق وليمپيادالاردىڭ جەڭىمپازدارىنا قازاقستاندىق جوو-نىڭ كەز كەلگەنىنە وقۋعا تۇسۋگە ءبىلىم گرانتى بەرىلەدى. سىياقىنىڭ جالپى سوماسى 77،5 ميلليون تەڭگەدەن اسادى.
