"Halyq qatysatyn búdjet" qalalyq baǵdarlamasyna ótinim qabyldaý 9 qyrkúıekte bastaldy. Eki apta ishinde shahar turǵyndarynan budget.open-almaty.kz saıtyna shamamen 2 500 ótinim kelip tústi, dep habarlaıdy Dalanews.kz.
Qazirgi kezde eń kóp usynys Jetisý aýdanynda, 24 qyrkúıektegi málimet boıynsha shamamen 700 ótinim túsken. Ekinshi orynda Naýryzbaı aýdany, onyń turǵyndary saıtqa 500 ótinim ornalastyrǵan.
Turǵyndar negizinen myna baǵyttar boıynsha jobalar usynady: kúrke ornatý jáne jóndeý, balalar jáne sport alańdaryn ornatý, oryndyqtar, qoqys jáshikteri, oıyn jáne demalys jabdyqtary men qurylǵylardy qoǵamdyq oryndarǵa ornatý, aýlalardy, kóshelerdi kógaldandyrý jáne jaryqtandyrý.
2025 jyly "Halyq qatysatyn búdjet" baǵdarlamasy boıynsha ıdeıalardy júzege asyrý úshin bıyl 25 qyrkúıekke deıin budget.open-almaty.kz portalynda ótinim berý qajet.
Eske salsaq, aýlalardy, kóshelerdi jáne qala aýdandaryn kóriktendirý boıynsha usynysty kez kelgen kámelet jasqa tolǵan turǵyndar búdjet qarjysy esebinen usyna alady.
Baıqaý ótinim qabyldaý, saraptamalyq baǵalaý, jobalardy jetildirý, túzetilip, tolyqtyrylǵan usynystardy qaraý, daýys berý, daýys berý nátıjesin qorytyndylaý, búdjettik ótinimdi qalyptastyrý, jobalardy júzege asyrý syndy 8 kezeńnen turady.
Ótinimde jobanyń ataýy, sıpattamasy, ornalasqan jeriniń mekenjaıy, jobalyq usynystyń shamamen alynǵan sýretteri, shemasy nemese eskızi jáne smetasy bolýǵa tıis. Bir ótinimniń somasy 92,3 mln teńgeden (25 myń AEK) aspaýy kerek.
Jobalar myna sanattar boıynsha qabyldanady: kógaldandyrý, trotýar salý jáne jóndeý, pandýstar, aryqtar, qoǵamdyq oryndardy qurý, jóndeý jáne jaryqtandyrý, jıektastardy, plıtkalardy, tirek qabyrǵalaryn jóndeý, qoqystardy joıý, kúrkelerdi, oryndyqtardy, qoqys jáshikterin, balalar oıyn jabdyqtary men eresekterge arnalǵan demalys aımaqtaryn ornatý jáne jóndeý, aýla aýmaqtary men qoǵamdyq oryndardaǵy sporttyq nemese oıyn alańdaryn ornatý, jóndeý jáne jaryqtandyrý, sanıtarlyq tártipti qamtamasyz etý.
Qalalyq baǵdarlama erejesi týraly tolyǵyraq budget.open-almaty.kz ınternet-portalynan oqı alasyz.
Aıta ketý kerek, Almaty ekonomıkasy turaqty ósýdi kórsetip otyr. Jarty jylda 715 mlrd teńge ınvestısıa tartyldy. Jyl basynan beri 32 myńnan astam jańa jumys orny quryldy. Almatynyń JÓÓ 2024 jyly 4,7% - ǵa ósti. Almatyda negizgi kapıtalǵa salynǵan ınvestısıalar kólemi 15,8% - ǵa ósti. "Almaty Business Development Company "Almaty qalasynyń bıznesti damytý kompanıasy" JSHS Almaty qalasynda ınvestısıalar tartý jáne ınvestorlardy súıemeldeý salasyndaǵy óńirlik uıym bolyp tabylady. Qoldanystaǵy zańnamaǵa sáıkes Kompanıa "bir tereze"qaǵıdaty boıynsha Almaty qalasynda ınvestısıalar tartý jáne ınvestorlardy súıemeldeý salasyndaǵy qyzmetti júzege asyrady.
