"حالىق قاتىساتىن بيۋدجەت" قالالىق باعدارلاماسىنا ءوتىنىم قابىلداۋ 9 قىركۇيەكتە باستالدى. ەكى اپتا ىشىندە شاھار تۇرعىندارىنان budget.open-almaty.kz سايتىنا شامامەن 2 500 ءوتىنىم كەلىپ ءتۇستى، دەپ حابارلايدى Dalanews.kz.
قازىرگى كەزدە ەڭ كوپ ۇسىنىس جەتىسۋ اۋدانىندا، 24 قىركۇيەكتەگى مالىمەت بويىنشا شامامەن 700 ءوتىنىم تۇسكەن. ەكىنشى ورىندا ناۋرىزباي اۋدانى، ونىڭ تۇرعىندارى سايتقا 500 ءوتىنىم ورنالاستىرعان.
تۇرعىندار نەگىزىنەن مىنا باعىتتار بويىنشا جوبالار ۇسىنادى: كۇركە ورناتۋ جانە جوندەۋ، بالالار جانە سپورت الاڭدارىن ورناتۋ، ورىندىقتار، قوقىس جاشىكتەرى، ويىن جانە دەمالىس جابدىقتارى مەن قۇرىلعىلاردى قوعامدىق ورىندارعا ورناتۋ، اۋلالاردى، كوشەلەردى كوگالداندىرۋ جانە جارىقتاندىرۋ.
2025 جىلى "حالىق قاتىساتىن بيۋدجەت" باعدارلاماسى بويىنشا يدەيالاردى جۇزەگە اسىرۋ ءۇشىن بيىل 25 قىركۇيەككە دەيىن budget.open-almaty.kz پورتالىندا ءوتىنىم بەرۋ قاجەت.
ەسكە سالساق، اۋلالاردى، كوشەلەردى جانە قالا اۋداندارىن كورىكتەندىرۋ بويىنشا ۇسىنىستى كەز كەلگەن كامەلەت جاسقا تولعان تۇرعىندار بيۋدجەت قارجىسى ەسەبىنەن ۇسىنا الادى.
بايقاۋ ءوتىنىم قابىلداۋ، ساراپتامالىق باعالاۋ، جوبالاردى جەتىلدىرۋ، تۇزەتىلىپ، تولىقتىرىلعان ۇسىنىستاردى قاراۋ، داۋىس بەرۋ، داۋىس بەرۋ ناتيجەسىن قورىتىندىلاۋ، بيۋدجەتتىك ءوتىنىمدى قالىپتاستىرۋ، جوبالاردى جۇزەگە اسىرۋ سىندى 8 كەزەڭنەن تۇرادى.
وتىنىمدە جوبانىڭ اتاۋى، سيپاتتاماسى، ورنالاسقان جەرىنىڭ مەكەنجايى، جوبالىق ۇسىنىستىڭ شامامەن الىنعان سۋرەتتەرى، سحەماسى نەمەسە ەسكيزى جانە سمەتاسى بولۋعا ءتيىس. ءبىر ءوتىنىمنىڭ سوماسى 92،3 ملن تەڭگەدەن (25 مىڭ اەك) اسپاۋى كەرەك.
جوبالار مىنا ساناتتار بويىنشا قابىلدانادى: كوگالداندىرۋ، تروتۋار سالۋ جانە جوندەۋ، پاندۋستار، ارىقتار، قوعامدىق ورىنداردى قۇرۋ، جوندەۋ جانە جارىقتاندىرۋ، جيەكتاستاردى، پليتكالاردى، تىرەك قابىرعالارىن جوندەۋ، قوقىستاردى جويۋ، كۇركەلەردى، ورىندىقتاردى، قوقىس جاشىكتەرىن، بالالار ويىن جابدىقتارى مەن ەرەسەكتەرگە ارنالعان دەمالىس ايماقتارىن ورناتۋ جانە جوندەۋ، اۋلا اۋماقتارى مەن قوعامدىق ورىندارداعى سپورتتىق نەمەسە ويىن الاڭدارىن ورناتۋ، جوندەۋ جانە جارىقتاندىرۋ، سانيتارلىق ءتارتىپتى قامتاماسىز ەتۋ.
قالالىق باعدارلاما ەرەجەسى تۋرالى تولىعىراق budget.open-almaty.kz ينتەرنەت-پورتالىنان وقي الاسىز.
ايتا كەتۋ كەرەك، الماتى ەكونوميكاسى تۇراقتى ءوسۋدى كورسەتىپ وتىر. جارتى جىلدا 715 ملرد تەڭگە ينۆەستيسيا تارتىلدى. جىل باسىنان بەرى 32 مىڭنان استام جاڭا جۇمىس ورنى قۇرىلدى. الماتىنىڭ ءجوو 2024 جىلى 4،7% - عا ءوستى. الماتىدا نەگىزگى كاپيتالعا سالىنعان ينۆەستيسيالار كولەمى 15،8% - عا ءوستى. "Almaty Business Development Company "الماتى قالاسىنىڭ بيزنەستى دامىتۋ كومپانياسى" ج ش س الماتى قالاسىندا ينۆەستيسيالار تارتۋ جانە ينۆەستورلاردى سۇيەمەلدەۋ سالاسىنداعى وڭىرلىك ۇيىم بولىپ تابىلادى. قولدانىستاعى زاڭناماعا سايكەس كومپانيا "ءبىر تەرەزە"قاعيداتى بويىنشا الماتى قالاسىندا ينۆەستيسيالار تارتۋ جانە ينۆەستورلاردى سۇيەمەلدەۋ سالاسىنداعى قىزمەتتى جۇزەگە اسىرادى.
