Qazaqstannyń Saýda jáne integratsiia ministri Arman Shaqqaliev Reseidegi Wildberries qoimalaryna jasalǵan shabýyldardan keiin qazaqstandyqtarǵa múmkindiginshe otandyq marketpleisterdi paidalanýǵa keńes berdi, dep habarlaidy dalanews.kz.
Ministrdiń aitýynsha, onlain saýda alańyn tańdaǵanda taýardyń baǵasyna ǵana emes, jetkizý kepildigine, platformanyń bedeline jáne satyp alýshynyń quqyqtaryn qorǵaý tetikterine de nazar aýdarý qajet.
Sonymen qatar, Arman Shaqqaliev tym arzan baǵamen usynylatyn taýarlarǵa saqtyqpen qaraýǵa shaqyrdy. Onyń sózinshe, mundai usynystar kei jaǵdaida alaiaqtyqtyń belgisi bolýy múmkin. Qazirgi ýaqytta Saýda jáne integratsiia ministrliginde Wildberries oqiǵasynan zardap shekken qazaqstandyq kásipkerlerdiń naqty sany men kelgen shyǵyn kólemi týraly túpkilikti málimet joq.
Aldyn ala baǵalaýǵa sáikes, Ecommerce-kz qaýymdastyǵynyń dereginshe, atalǵan jaǵdaidan 100-den astam kásipker zardap shegip, keltirilgen shyǵyn kólemi 1 milliard teńgeden asqan.
Eske salaiyq, 18 shildege qaraǵan túni Reseidegi Wildberries-tiń eki logistikalyq ortalyǵyna ushqyshsyz ushý apparattarymen shabýyl jasalǵan bolatyn. Osy oqiǵadan keiin terrorizm aktisi boiynsha qylmystyq ister qozǵalǵan.
