Vitas Dimashtyń «Opera-2» ánin oryndaýyna bailanysty Watson&Band advokattar alqasyna aryz túsirgen. Hýnan ólkesiniń Chańsha qalasynda ornalasqan ólkelik telearnasynyń atyna baǵyttalǵan hatta: "Dimash Qudaibergenge budan keiin álemniń jáne Qazaq Eliniń kez kelgen sahnasynda, kez kelgen kontsertte Vitastyń birde-bir ánin oryndaýǵa ruqsat etilmeidi jáne bul talap oryndalmaǵan jaǵdaida «Avtorlyq quqyq týraly halyqaralyq zań» negizinde tiisti oryndardyń sheshimine júginemiz", - dep jazylǵan.
«Opera 2» áni - Reseide turatyn ataqty ánshi Vitalii Gogýnskiidiń avtorlyq týyndysy. Áýenin de, sózin de Vitas jazǵan. 2000 jyly Vitas bul ánimen alǵash ret sahnaǵa shyǵyp, álem aldynda tanymal boldy. Vitastyń shyǵarmashylyǵyna qatysty barlyq án «Pýdovkin» prodiýserlik ortalyǵyna tiesili. Hýnannyń ólkelik telearnasy ótkizip jatqan «Singer-2017» án baiqaýynda Qazaqstannan atynan barǵan ánshi Dimash Qudaibergenov 28 qańtar kúni «Opera 2» ánin aityp, sahnaǵa shyqty. Al, «Opera-2» áni osy telearna arqyly kúlli Qytaiǵa tarady. Munan tys, bul án Qytaidaǵy barlyq áleýmettik jelige keńinen taralýda. Dimash onymen qoimai, bul ándi 30 qańtar kúni Qytaidyń «jańa jyl merekesinde» de oryndap, telearna, internet arqyly taǵy da tanymaldyqqa ie boldy. Vitastyń ánderi álemniń kóp elderinde taraǵan. Sonymen qatar, barlyq quqy qorǵaýǵa alynǵan. Joǵaryda aitylǵandai, Hýnan ólkelik telearnasy «Pýdovkin» prodiýserlik ortalyǵynyń zańdyq quqyna ziian keltirdi», - delingen bul hatta.
