ۆيتاس «وپەرا-2» ءانى ءۇشىن ديماشتىڭ ۇستىنەن ارىزداندى

Dalanews 31 قاڭ. 2017 12:38 444

قازاقستاندىق ءانشى ديماش قۇدايبەرگەن قىتايدىڭ حۋنان ولكەسىنىڭ چاڭشا قالاسىندا ءوتىپ جاتقان «I am singer-2017» بايقاۋىنىڭ ەكىنشى كەزەڭىندە تاعى دا توپ جارىپ، ميللياردتى مويىنداتقان ەدى. بۇل ەكىنشى تۋردا ول ۆيتاستىڭ «وپەرا-2» ءانىن ورىندادى. سوعان بايلانىستى ۆيتاستىڭ پروديۋسەرى ديماشتىڭ ۇستىنەن شاعىم ءتۇسىردى، دەپ حابارلايدى Baq.kz ءتىلشىسى ent.ifeng.com سايتىنا سىلتەمە جاساپ.

ۆيتاس ديماشتىڭ «وپەرا-2» ءانىن ورىنداۋىنا بايلانىستى Watson&Band ادۆوكاتتار القاسىنا ارىز تۇسىرگەن. حۋنان ولكەسىنىڭ چاڭشا قالاسىندا ورنالاسقان ولكەلىك تەلەارناسىنىڭ اتىنا باعىتتالعان حاتتا: "ديماش قۇدايبەرگەنگە بۇدان كەيىن الەمنىڭ جانە قازاق ەلىنىڭ كەز كەلگەن ساحناسىندا، كەز كەلگەن كونسەرتتە ۆيتاستىڭ بىردە-بىر ءانىن ورىنداۋعا رۇقسات ەتىلمەيدى جانە بۇل تالاپ ورىندالماعان جاعدايدا «اۆتورلىق قۇقىق تۋرالى حالىقارالىق زاڭ» نەگىزىندە ءتيىستى ورىنداردىڭ شەشىمىنە جۇگىنەمىز"، - دەپ جازىلعان.

«وپەرا 2» ءانى - رەسەيدە تۇراتىن اتاقتى ءانشى ۆيتاليي گوگۋنسكييدىڭ اۆتورلىق تۋىندىسى. اۋەنىن دە، ءسوزىن دە ۆيتاس جازعان. 2000 جىلى ۆيتاس بۇل انىمەن العاش رەت ساحناعا شىعىپ، الەم الدىندا تانىمال بولدى. ۆيتاستىڭ شىعارماشىلىعىنا قاتىستى بارلىق ءان «پۋدوۆكين» پروديۋسەرلىك ورتالىعىنا تيەسىلى. حۋناننىڭ ولكەلىك تەلەارناسى وتكىزىپ جاتقان «Singer-2017» ءان بايقاۋىندا قازاقستاننان اتىنان بارعان ءانشى ديماش قۇدايبەرگەنوۆ 28 قاڭتار كۇنى «وپەرا 2» ءانىن ايتىپ، ساحناعا شىقتى. ال، «وپەرا-2» ءانى وسى تەلەارنا ارقىلى كۇللى قىتايعا تارادى. مۇنان تىس، بۇل ءان قىتايداعى بارلىق الەۋمەتتىك جەلىگە كەڭىنەن تارالۋدا. ديماش ونىمەن قويماي، بۇل ءاندى 30 قاڭتار كۇنى قىتايدىڭ «جاڭا جىل مەرەكەسىندە» دە ورىنداپ، تەلەارنا، ينتەرنەت ارقىلى تاعى دا تانىمالدىققا يە بولدى. ۆيتاستىڭ اندەرى الەمنىڭ كوپ ەلدەرىندە تاراعان. سونىمەن قاتار، بارلىق قۇقى قورعاۋعا الىنعان. جوعارىدا ايتىلعانداي، حۋنان ولكەلىك تەلەارناسى «پۋدوۆكين» پروديۋسەرلىك ورتالىعىنىڭ زاڭدىق قۇقىنا زيان كەلتىردى»، - دەلىنگەن بۇل حاتتا.


ۇسىنىلعان
سوڭعى جاڭالىقتار