Ekonomist Ǵalymjan Aitqazin búgingi Ulttyq ekonomika vitse-ministri Arman Qasenovtyń teńge baǵamyna qatysty bildirgen pikirin synap, bul aradaǵy naqty sebepti atady. Sarapshynyń pikirinshe, ulttyq valiýta baǵamynyń álsireýi Qazaqstannyń "biýdjet kiristeriniń tapshylyǵy" qysymynan týyndaýda, dep habarlaidy Dalanews.kz.
"UE vitse-ministriniń teńgeni qoldaýdaǵy sátsiz áreketi" dep atalatyn Telegram-daǵy arnasyndaǵy jazbasynda ekonomikalyq sarapshy vitse-ministr Arman Qasenovtyń búgin BAQ aldynda "ulttyq valiýtamyz turaqty" degendi dáleldeýge tyrysqan sáti sátsiz bolǵanyn aitady. Óitkeni barlyq jaǵdaidan qanyq ol aradaǵy adamdar úshin onyń usynǵan aqparaty senimsiz shyqqany sóziz.
"Ulttyq bank bir jaǵynan transfertterdi qamtamasyz etý úshin birjada munaidan túsken dollarlardy satyp jatsa, al ekinshi jaǵynan BJZQ úshin dollardyń rekordtyq kólemin satyp alý týraly sheshim qabyldaǵan. Budan teńge baǵamynyń nyǵaiýyna jyldyń birinshi jartysyndaǵydai az yqpal bolady dep boljaýǵa bolady. Aqyrynda, muny bankter de bilip aldy, endi olar "biýdjettik daǵdarystyń" qazirgi makroekonomikalyq jaǵdaiynda baǵamǵa senimdi túrde qysym jasai beretin bolady. Mine, qazirgi teńge baǵamynyń jaǵdaiyna túrtki fýndamentaldy sebepter",- deidi sarapshy.
Buǵan deiin biz Ulttyq ekonomika vitse-ministri ulttyq valiýtanyń turaqty dep aitqanyn jazǵan bolatynbyz. "Valiýtamyz turaqty. Árine, oǵan ártúrli faktorlar áser etýi múmkin. Kez-kelgen basqa valiýtalardaǵydai, ol eldiń eksportyna-importyna bailanysty bolady, sondyqtan mundai áserler bolǵanda baǵam ózgerýi múmkin, alaida, jalpylai alǵanda valiýtanyń turaqtalǵanyn kóresiz, tipti infliatsiiany qosa eseptegende, ulttyq valiýta túrindegi depozitterdiń kiristiligi shetel valiýtasyna qaraǵanda áldeqaida tabysty ekenin baiqaýǵa bolady. Sondyqtan, óz basym, ulttyq valiýtanyń turaqty bolatynyna senemin", - dedi Qasenov beisenbide Senat dálizinde jýrnalisterge bergen suqbatynda.
