Sıfrlyq damý, ınovasıalar jáne aeroǵarysh ónerkásibi vıse-mınıstri Ashat Orazbek Japonıadaǵy ınternet Qazaqstanǵa qaraǵanda jaqsy ekenin moıyndady, - dep habarlaıdy Dalanews.kz tilshisi. Májilis kýlýarynda jýrnalıser vıse-mınıstrden Japonıa da Almaty sekildi seısmıkalyq qaýipti aımaqta bolsa da aldyn ala eskertý júıesi nelikten ozyq ekenin surady.

"Jalpy Japonıada bári jaqsy ǵoı", - deıdi vıse-mınıstr.

Jýrnalıser muny Ashat Orazbek buǵan deıin mınıstr Baǵdat Mýsın aıtqan pikirge qarsy oı aıtty dep túsingen. "Men mınıstrge (Mýsınge) qarsy shyǵyp turǵan joqpyn. Mınıstr Astanada Tokıoǵa qaraǵanda ınternet jaqsy dep aıtqan bolatyn: sebebi kompanıanyń esebi bar. Ol esep aı saıyn júrgiziledi. Naqty sol aıda, 5G endi paıda bola bastaǵan kezde kompanıa Astanada Tokıoǵa qaraǵanda ınternet jaqsy ekenin jetkizgen bolatyn", - deıdi Ashat Orazbek. Eske salaıyq, byltyr 25 shildede sıfrlyq damý jáne aeroǵarysh ónerkásibi mınıstri Baǵdat Mýsın qazaqstandyqtardy ınternetti únemdeýge shaqyryp, elimizdegi ınternet sapasy Tokıodan jaqsy ekenin málimdegen bolatyn. Mınıstrdiń bul málimdemesi Jelide qyzý talqyǵa túsip, túrli mem taraǵan bolatyn. Sýret:elements.envato.com