سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى اسحات ورازبەك جاپونياداعى ينتەرنەت قازاقستانعا قاراعاندا جاقسى ەكەنىن مويىندادى، - دەپ حابارلايدى Dalanews.kz ءتىلشىسى. ءماجىلىس كۋلۋارىندا جۋرناليستەر ۆيسە-مينيستردەن جاپونيا دا الماتى سەكىلدى سەيسميكالىق ءقاۋىپتى ايماقتا بولسا دا الدىن الا ەسكەرتۋ جۇيەسى نەلىكتەن وزىق ەكەنىن سۇرادى.
"جالپى جاپونيادا ءبارى جاقسى عوي"، - دەيدى ۆيسە-مينيستر.
جۋرناليستەر مۇنى اسحات ورازبەك بۇعان دەيىن مينيستر باعدات مۋسين ايتقان پىكىرگە قارسى وي ايتتى دەپ تۇسىنگەن. "مەن مينيسترگە (مۋسينگە) قارسى شىعىپ تۇرعان جوقپىن. مينيستر استانادا توكيوعا قاراعاندا ينتەرنەت جاقسى دەپ ايتقان بولاتىن: سەبەبى كومپانيانىڭ ەسەبى بار. ول ەسەپ اي سايىن جۇرگىزىلەدى. ناقتى سول ايدا، 5G ەندى پايدا بولا باستاعان كەزدە كومپانيا استانادا توكيوعا قاراعاندا ينتەرنەت جاقسى ەكەنىن جەتكىزگەن بولاتىن"، - دەيدى اسحات ورازبەك. ەسكە سالايىق، بىلتىر 25 شىلدەدە سيفرلىق دامۋ جانە اەروعارىش ونەركاسىبى ءمينيسترى باعدات مۋسين قازاقستاندىقتاردى ينتەرنەتتى ۇنەمدەۋگە شاقىرىپ، ەلىمىزدەگى ينتەرنەت ساپاسى توكيودان جاقسى ەكەنىن مالىمدەگەن بولاتىن. ءمينيستردىڭ بۇل مالىمدەمەسى جەلىدە قىزۋ تالقىعا ءتۇسىپ، ءتۇرلى مەم تاراعان بولاتىن. سۋرەت:elements.envato.com
