Ataýly áleýmettik járdemaqynyń ornyna balalarǵa arnalǵan memlekettik áleýmettik paketti bereiik, ol negizinen dárýmenderge bai taǵamdardan turady. Bul týraly QR Eńbek jáne halyqty áleýmettik qorǵaý vitse-ministri Erlan Aýkenov Senatta ótken otyrysta aitty, dep habarlaidy Dalanews.kz Almaty telearnasyna silteme jasap.
Onyń aitýynsha, QR Densaýlyq saqtaý jáne bilim ministrlikteriniń mamandary paketti aqshamen almastyrýǵa túbegeili qarsy. Óitkeni ol qymbat dúnie. Qymbat bolǵan soń da ony kez kelgen ata-ana satyp ala bermeidi.
"Kepildendirilgen áleýmettik paketti bastapqyda talqylaǵanymyzda mamandar paketti aqshamen almastyrýǵa túbegeili qarsy ekendikterin jetkizdi. Olar monetizatsiia máseleni sheshpeitinin alǵa tartty. Ataýly áleýmettik kómek arqyly aqsha beriledi. Ortasha alǵanda bir balaǵa 10 myń teńgege deiin. Kóp balaly analarǵa járdemaqy da aqshalai.
Máselen, premiým-klastaǵy azyq-túlikter bar. Qymbat bolǵandyqtan, kóbi ala almaidy. Basqamen almastyrady. Nátijesinde sozylmaly aýrýlarǵa shaldyǵady.
Sondyqtan paketke dárýmenderge bai ónimder enýi kerek", - dedi QR Eńbek jáne halyqty áleýmettik qorǵaý vitse-ministri Erlan AÝKENOV.
Vitse-ministrdiń sózinshe, áleýmettik paketti shalǵaidaǵy eldimekenderge jetkizýde de Densaýlyq saqtaý ministrliginiń usynystary eskeriledi.
Máselen, ońtústik óńirlerde jazda 50 gradýsqa deiin, al soltústik aimaqtarda kerisinshe, qysta -40-qa deiin barady. Osy rette kepildendirilgen áleýmettik paketti eki márte qaita qarasytyryp, tez buzylmaityn taýarlarǵa basymdyq berýge bolatynyn aitady.
"Kepildendirilgen áleýmettik pakettegi azyq-túlikter dárýmenderge bai bolmaq. Bul – negizinen tamaq emes, aǵzada jetispeitin zattardy toltyratyn vitaminder. Avitaminoz, rahit syndy, balalar dertteriniń aldyn alýǵa sep bolatyn dárýmender kóp", - dedi QR Eńbek jáne halyqty áleýmettik qorǵaý vitse-ministri Erlan AÝKENOV.
