16 tamyzda qazaqstandyq Taekvonda (WT) federasıasynyń prezdenti Vácheslav Kım basshy qyzmetinen ketetinin málimdedi. Sarapshylar ol shyn máninde ne úshin ketkenine boljam jasady, - dep habarlaıdy Dalanews.kz.
Federasıanyń resmı málimdemesine súıensek,bul sheshim Vácheslav Konstantınovıchtiń QTF prezıdenti laýazymynda jasalǵan jumysy men qol jetkizilgen barlyq jetistikterdi uzaq saraptaý men baǵalaýdyń nátıjesi bolǵan.
«2013 jyly taekvondo federasıasyna taǵaıyndalǵaly beri osy sport túrin elimizde damytyp, tanymal etý basty maqsatym boldy. Osy jyldar ishinde biz birge eleýli tabystarǵa qol jetkizdik dep maqtanyshpen aıta alamyn. Kún saıyn QTF komandasy men men sportshylarymyzdyń ósýi men damýyna jaǵdaı jasaý úshin jumys istedik.
Qazaqstandyq taekvondoshylar halyqaralyq arenada laıyqty nátıje kórsetti jáne olardy budan da kóp jeńister kútip turǵanyna senimdimin. Biz Qazaqstannyń taekvondo tarıhyndaǵy birinshi halyqaralyq týrnırdi, Astana Grand Prix 2014 jáne Kazakhstan Open G-1 týrnırin ótkize aldyq, bul tek bastamasy ǵana. Bizdiń joǵary deńgeıdegi týrnırlerdi ótkizýge áleýetimiz de, múmkindigimiz de bar jáne bul jol jalǵasyn tabady dep oılaımyn. Búgin bul estafetany tapsyrý barysynda men osy jolda bolǵan barlyq adamdarǵa: áriptesterime, sportshylarǵa, jattyqtyrýshylarǵa jáne bizdi qoldaǵan barlyq adamdarǵa sheksiz alǵysymdy bildirgim keledi. Bul keremet jol jalǵasyn taýyp, kún saıyn jańa jeńister ákelsin.
Senimderińizge rahmet! Qazaqstan taekvondosyn alda talaı jańa jetistikter kútip turǵanyn senimmen aıta alamyn. Bizdiń ortaq jumysymyz osy sportpen aınalysatyndardyń barlyǵyna paıda men qýanysh ákelsin», - deıdi Kım.
Qazaqstandyq baspa basshysynyń telegram arnasyndaǵy málimet boıynsha, Kım Olımpıadadaǵy sátsiz nátıje úshin qyzmetinen ketken bolýy múmkin.
"Taekvondo federasıasy basshylyq qyzmette otyrǵan adamdardy jańartty. Vácheslav Kım qyzmetin bosatyp, onyń artynan komandasy úsh orynbasary men bas hatshysy ketti. Resmı málimet boıynsha - óz erkimen ketken. Alaıda kóptegen adam Kımniń qyzmetinen ketýine - Parıjdegi Olımpıada oıyndaryndaǵy sátsiz nátıje sebep bolǵan", - deıdi sarapshy.
