16 تامىزدا قازاقستاندىق تاەكۆوندا (WT) فەدەراسياسىنىڭ پرەزدەنتى ۆياچەسلاۆ كيم باسشى قىزمەتىنەن كەتەتىنىن مالىمدەدى. ساراپشىلار ول شىن مانىندە نە ءۇشىن كەتكەنىنە بولجام جاسادى، - دەپ حابارلايدى Dalanews.kz.
فەدەراسيانىڭ رەسمي مالىمدەمەسىنە سۇيەنسەك،بۇل شەشىم ۆياچەسلاۆ كونستانتينوۆيچتىڭ قتف پرەزيدەنتى لاۋازىمىندا جاسالعان جۇمىسى مەن قول جەتكىزىلگەن بارلىق جەتىستىكتەردى ۇزاق ساراپتاۋ مەن باعالاۋدىڭ ناتيجەسى بولعان.
«2013 جىلى تاەكۆوندو فەدەراسياسىنا تاعايىندالعالى بەرى وسى سپورت ءتۇرىن ەلىمىزدە دامىتىپ، تانىمال ەتۋ باستى ماقساتىم بولدى. وسى جىلدار ىشىندە ءبىز بىرگە ەلەۋلى تابىستارعا قول جەتكىزدىك دەپ ماقتانىشپەن ايتا الامىن. كۇن سايىن قتف كومانداسى مەن مەن سپورتشىلارىمىزدىڭ ءوسۋى مەن دامۋىنا جاعداي جاساۋ ءۇشىن جۇمىس ىستەدىك.
قازاقستاندىق تاەكۆوندوشىلار حالىقارالىق ارەنادا لايىقتى ناتيجە كورسەتتى جانە ولاردى بۇدان دا كوپ جەڭىستەر كۇتىپ تۇرعانىنا سەنىمدىمىن. ءبىز قازاقستاننىڭ تاەكۆوندو تاريحىنداعى ءبىرىنشى حالىقارالىق ءتۋرنيردى، Astana Grand Prix 2014 جانە Kazakhstan Open G-1 ءتۋرنيرىن وتكىزە الدىق، بۇل تەك باستاماسى عانا. ءبىزدىڭ جوعارى دەڭگەيدەگى تۋرنيرلەردى وتكىزۋگە الەۋەتىمىز دە، مۇمكىندىگىمىز دە بار جانە بۇل جول جالعاسىن تابادى دەپ ويلايمىن. بۇگىن بۇل ەستافەتانى تاپسىرۋ بارىسىندا مەن وسى جولدا بولعان بارلىق ادامدارعا: ارىپتەستەرىمە، سپورتشىلارعا، جاتتىقتىرۋشىلارعا جانە ءبىزدى قولداعان بارلىق ادامدارعا شەكسىز العىسىمدى بىلدىرگىم كەلەدى. بۇل كەرەمەت جول جالعاسىن تاۋىپ، كۇن سايىن جاڭا جەڭىستەر اكەلسىن.
سەنىمدەرىڭىزگە راحمەت! قازاقستان تاەكۆوندوسىن الدا تالاي جاڭا جەتىستىكتەر كۇتىپ تۇرعانىن سەنىممەن ايتا الامىن. ءبىزدىڭ ورتاق جۇمىسىمىز وسى سپورتپەن اينالىساتىنداردىڭ بارلىعىنا پايدا مەن قۋانىش اكەلسىن»، - دەيدى كيم.
قازاقستاندىق باسپا باسشىسىنىڭ تەلەگرام ارناسىنداعى مالىمەت بويىنشا، كيم وليمپياداداعى ءساتسىز ناتيجە ءۇشىن قىزمەتىنەن كەتكەن بولۋى مۇمكىن.
"تاەكۆوندو فەدەراسياسى باسشىلىق قىزمەتتە وتىرعان ادامداردى جاڭارتتى. ۆياچەسلاۆ كيم قىزمەتىن بوساتىپ، ونىڭ ارتىنان كومانداسى ءۇش ورىنباسارى مەن باس حاتشىسى كەتتى. رەسمي مالىمەت بويىنشا - ءوز ەركىمەن كەتكەن. الايدا كوپتەگەن ادام كيمنىڭ قىزمەتىنەن كەتۋىنە - پاريجدەگى وليمپيادا ويىندارىنداعى ءساتسىز ناتيجە سەبەپ بولعان"، - دەيدى ساراپشى.
