VTB Qazaqstan Basqarmasynyń jańa múshesi taǵaiyndaldy
Anastasiia Nelina banktiń qarjylyq josparlaýǵa, qarjylyq kórsetkishterdiń boljamdaryna, qazynashylyqqa, sondai-aq eseptilikke jaýap beredi.
– Qarjylyq josparlaý – jedel den qoiýdy jáne naqty strategiialyq oilaýdy talap etetin bank jumysyn basqarýdyń basty quraldarynyń biri. Qarjy salasynda mol tájiribesi bar Anastasiia Nelinanyń taǵaiyndalýy VTB bankiniń Qazaqstandaǵy jumysyn odan ári damytýǵa jáne tiimdiligin arttyrýǵa yqpal etetinine senimdimin, – dep atap ótti bank VTB (Qazaqstan) Basqarma Tóraǵasy Dmitrii Zabello.
Qazirgi ýaqytta bank VTB (Qazaqstan) Basqarmasynyń quramyna: banktiń bólshek blogyn basqaratyn tóraǵanyń orynbasary Artem Badykov; korporativtik-investitsiialyq bizneske jetekshilik etetin tóraǵanyń orynbasary Arman Mangitov; Anastasiia Nelina – qarjy departamentiniń direktory jáne Basqarma Tóraǵasy Dmitrii Zabello kiredi.
Anyqtama
Anastasiia Nelina bank salasynda 17 jyldan astam jumys isteidi, onyń ishinde VTB tobynda 10 jyl.
2019 jylǵy qazanda Bank VTB (Qazaqstan) AQ EU qarjy departamentiniń direktory laýazymynda óz jumysyn bastady.
Anastasiia Nelina Qazaq ulttyq agrarlyq ýniversitetiniń «Ekonomika jáne Biznes» fakýltetin, sondai-aq Sankt-Peterbýrg halyqaralyq bank institýtyn «Bank isi» mamandyǵy boiynsha bitirgen.
2015 jyly Sankt-Peterbýrg memlekettik ýniversitetiniń Joǵary menedjment mektebiniń «Jańa kóshbasshylyq energiiasy» baǵdarlamasynan ótti.
«QR Kásibi býhgalteri», ACCA DipIFR (rus) jáne IPMA sertifikattaryna ie, Jobalaý menedjeri.
Bank VTB (Qazaqstan) AQ EU – VTB halyqaralyq qarjy tobyna kiredi. Búgingi tańda bank elimizdiń barlyq óńirlerinde ornalasqan 17 filialdan turatyn filialdyq jelisi bar. Bank VTB (Qazaqstan)-nyń Ortalyq keńsesi Almaty qalasynda ornalasqan. 2020 jylǵy 3 aqpandaǵy №1.2.14/39 Qazaqstan Respýblikasynyń Qarjy naryǵyn retteý jáne damytý agenttiginiń litsenziiasy.
