اناستاسيا نەلينا بانكتىڭ قارجىلىق جوسپارلاۋعا، قارجىلىق كورسەتكىشتەردىڭ بولجامدارىنا، قازىناشىلىققا، سونداي-اق ەسەپتىلىككە جاۋاپ بەرەدى.
– قارجىلىق جوسپارلاۋ – جەدەل دەن قويۋدى جانە ناقتى ستراتەگيالىق ويلاۋدى تالاپ ەتەتىن بانك جۇمىسىن باسقارۋدىڭ باستى قۇرالدارىنىڭ ءبىرى. قارجى سالاسىندا مول تاجىريبەسى بار اناستاسيا نەلينانىڭ تاعايىندالۋى ۆتب بانكىنىڭ قازاقستانداعى جۇمىسىن ودان ءارى دامىتۋعا جانە تيىمدىلىگىن ارتتىرۋعا ىقپال ەتەتىنىنە سەنىمدىمىن، – دەپ اتاپ ءوتتى بانك ۆتب (قازاقستان) باسقارما ءتوراعاسى دميتريي زابەللو.
قازىرگى ۋاقىتتا بانك ۆتب (قازاقستان) باسقارماسىنىڭ قۇرامىنا: بانكتىڭ بولشەك بلوگىن باسقاراتىن ءتوراعانىڭ ورىنباسارى ارتەم بادىكوۆ؛ كورپوراتيۆتىك-ينۆەستيسيالىق بيزنەسكە جەتەكشىلىك ەتەتىن ءتوراعانىڭ ورىنباسارى ارمان مانگيتوۆ؛ اناستاسيا نەلينا – قارجى دەپارتامەنتىنىڭ ديرەكتورى جانە باسقارما ءتوراعاسى دميتريي زابەللو كىرەدى.
انىقتاما
اناستاسيا نەلينا بانك سالاسىندا 17 جىلدان استام جۇمىس ىستەيدى، ونىڭ ىشىندە ۆتب توبىندا 10 جىل.
2019 جىلعى قازاندا بانك ۆتب (قازاقستان) اق ەۇ قارجى دەپارتامەنتىنىڭ ديرەكتورى لاۋازىمىندا ءوز جۇمىسىن باستادى.
اناستاسيا نەلينا قازاق ۇلتتىق اگرارلىق ۋنيۆەرسيتەتىنىڭ «ەكونوميكا جانە بيزنەس» فاكۋلتەتىن، سونداي-اق سانكت-پەتەربۋرگ حالىقارالىق بانك ينستيتۋتىن «بانك ءىسى» ماماندىعى بويىنشا بىتىرگەن.
2015 جىلى سانكت-پەتەربۋرگ مەملەكەتتىك ۋنيۆەرسيتەتىنىڭ جوعارى مەنەدجمەنت مەكتەبىنىڭ «جاڭا كوشباسشىلىق ەنەرگياسى» باعدارلاماسىنان ءوتتى.
«ق ر كاسىبي بۋحگالتەرى»، ACCA DipIFR (rus) جانە IPMA سەرتيفيكاتتارىنا يە، جوبالاۋ مەنەدجەرى.
بانك ۆتب (قازاقستان) اق ەۇ – ۆتب حالىقارالىق قارجى توبىنا كىرەدى. بۇگىنگى تاڭدا بانك ەلىمىزدىڭ بارلىق وڭىرلەرىندە ورنالاسقان 17 فيليالدان تۇراتىن فيليالدىق جەلىسى بار. بانك ۆتب (قازاقستان)-نىڭ ورتالىق كەڭسەسى الماتى قالاسىندا ورنالاسقان. 2020 جىلعى 3 اقپانداعى №1.2.14/39 قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ ليسەنزياسى.
