Stroıtelnaıa kóshesiniń ornyna ánshi, sazger Tursynǵazy Rahımovtyń, Parkovaıaǵa Keńes odaǵynyń batyry Saǵadat Nurmaǵambetovtyń, Krýpskoıdyń ornyna Qazaqstannyń halyq jazýshy Ázilhan Nurshaıyqovtyń jáne Krasnoznamennaıa kóshesin Ekinshi dúnıejúzilik soǵysta qaza tapqan Baıan Baıǵojına esimderimen aýystyrýdy onomastıkalyq komısıa usyndy.
Biraq sharaǵa kelgen keıbireýler aıaqasty búlinip, qazaqtyń batyr qyzy Baıan Baıǵojınaǵa shaharymyzdaǵy Krasnoznamennaıa kóshesin berýge úzildi kesildi qarsy shyqty.
Qoǵamdyq keńestiń múshesi Nıkolaı Isaev, ólketanýshy Pavel Jýkov:
«Baıan Baıǵojına kim? Ol soǵysta bolǵan ba?» – degen túk bilmeıtin balanyń keıpinde bolyp, laıyqty adamǵa nemese sol kósheniń aty qala bersin degen tilekterin bildirdi.
[video width="720" height="576" mp4="https://dalanews.kz/wp-content/uploads/2018/04/video-1524906165.mp4"][/video]
Qazaqtyń qaharman qyzy Belorýssıa, Lıtva, Polsha, Germanıa jerlerin azat etý urystaryna qatysyp, jeńiske 12 kún qalǵanda Germanıanyń túbindegi Gındenbýrg qalasynda qaza tabady.
Al batyr qyzǵa kóshe berýge qarsy shyqqandar, onyń maıdan dalasynda mert bolǵanyna senbeı, qolda bar aqparatty joqqa shyǵaryp otyrǵany qaı sasqany ekenin uǵa almadyq.
«Qýyrdaqtyń kókesin, túıe soıǵanda kóresiń» degendeı Mılana Gýzeeva degen jýrnalıs belgili jazýshy Ázilhan Nurshaıyqovty tanymaýy jınalǵan jurtshylyqtyń jaǵasyn ustatty.
«Kto on takoı, ıa ego ne znaıý, naverno ego ne mnogıe znaıýt» dep...
Onyń aıtýynsha kóshe ataýyn tek tanymal adamdarǵa berý kerek. Bul qalaı? Áıgili jazýshy, qazaqtyń qaharman qyzyn tanymaıtyndar da bar ma? Sonda olar qaı elde ómir súredi? Er esimin el esinde qaldyrý siz ben bizdiń boryshymyz emes pe edi?
Qýanysh Rahmetollauly, jýrnalıs
[video width="720" height="576" mp4="https://dalanews.kz/wp-content/uploads/2018/04/video-1524905920.mp4"][/video]
