سترويتەلنايا كوشەسىنىڭ ورنىنا ءانشى، سازگەر تۇرسىنعازى راحيموۆتىڭ، پاركوۆاياعا كەڭەس وداعىنىڭ باتىرى ساعادات نۇرماعامبەتوۆتىڭ، كرۋپسكويدىڭ ورنىنا قازاقستاننىڭ حالىق جازۋشى ءازىلحان نۇرشايىقوۆتىڭ جانە كراسنوزنامەننايا كوشەسىن ەكىنشى دۇنيەجۇزىلىك سوعىستا قازا تاپقان بايان بايعوجينا ەسىمدەرىمەن اۋىستىرۋدى ونوماستيكالىق كوميسسيا ۇسىندى.
ءبىراق شاراعا كەلگەن كەيبىرەۋلەر اياقاستى ءبۇلىنىپ، قازاقتىڭ باتىر قىزى بايان بايعوجيناعا شاھارىمىزداعى كراسنوزنامەننايا كوشەسىن بەرۋگە ءۇزىلدى كەسىلدى قارسى شىقتى.
قوعامدىق كەڭەستىڭ مۇشەسى نيكولاي يسايەۆ، ولكەتانۋشى پاۆەل جۋكوۆ:
«بايان بايعوجينا كىم؟ ول سوعىستا بولعان با؟» – دەگەن تۇك بىلمەيتىن بالانىڭ كەيپىندە بولىپ، لايىقتى ادامعا نەمەسە سول كوشەنىڭ اتى قالا بەرسىن دەگەن تىلەكتەرىن ءبىلدىردى.
[video width="720" height="576" mp4="https://dalanews.kz/wp-content/uploads/2018/04/video-1524906165.mp4"][/video]
قازاقتىڭ قاھارمان قىزى بەلورۋسسيا، ليتۆا، پولشا، گەرمانيا جەرلەرىن ازات ەتۋ ۇرىستارىنا قاتىسىپ، جەڭىسكە 12 كۇن قالعاندا گەرمانيانىڭ تۇبىندەگى گيندەنبۋرگ قالاسىندا قازا تابادى.
ال باتىر قىزعا كوشە بەرۋگە قارسى شىققاندار، ونىڭ مايدان دالاسىندا مەرت بولعانىنا سەنبەي، قولدا بار اقپاراتتى جوققا شىعارىپ وتىرعانى قاي ساسقانى ەكەنىن ۇعا المادىق.
«قۋىرداقتىڭ كوكەسىن، تۇيە سويعاندا كورەسىڭ» دەگەندەي ميلانا گۋزەيەۆا دەگەن جۋرناليست بەلگىلى جازۋشى ءازىلحان نۇرشايىقوۆتى تانىماۋى جينالعان جۇرتشىلىقتىڭ جاعاسىن ۇستاتتى.
«كتو ون تاكوي، يا ەگو نە زنايۋ، ناۆەرنو ەگو نە منوگيە زنايۋت» دەپ...
ونىڭ ايتۋىنشا كوشە اتاۋىن تەك تانىمال ادامدارعا بەرۋ كەرەك. بۇل قالاي؟ ايگىلى جازۋشى، قازاقتىڭ قاھارمان قىزىن تانىمايتىندار دا بار ما؟ سوندا ولار قاي ەلدە ءومىر سۇرەدى؟ ەر ەسىمىن ەل ەسىندە قالدىرۋ ءسىز بەن ءبىزدىڭ بورىشىمىز ەمەس پە ەدى؟
قۋانىش راحمەتوللا ۇلى، جۋرناليست
[video width="720" height="576" mp4="https://dalanews.kz/wp-content/uploads/2018/04/video-1524905920.mp4"][/video]
