Aýyldaǵy talantty balalardyń jolyn ashyp, aiaq doppen ainalysýǵa járdemdesetin joba volonter-jýrnalistiń kópten bergi bergi armany ekenin aita ketý kerek. Serik Mámbetovtyń pikirinshe, otandyq fýtboldy damytý úshin aldymen balalar fýtbolyn aiaqqa turǵyzǵan jón.
"Túptiń túbinde bul jobany ulttyq ideiaǵa ainaldyrǵym keledi. Jobanyń bir rettik aktsiia emesin dáleldedik. "Aýyl fýtboldy" ázirlep, iske kiriskenimizge eki jyldan asty. Balalar fýtbolyn damytýǵa óz úlesimdi qosqym keldi. Bul taraptaǵy biraz jobalarǵa balama bolatyn potentsialy bar.
Iá, bul baǵytta sońǵy jyldary birtalai jumys isteldi. Biýdjetten qyrýar qarjy bólindi. Dese de, bul mindetti memlekettik moinynan júktep, qol qýsyryp otyrǵan jón emes. Úkimet jeke sektorǵa kóńil bólip, balalar fýtbolyn damytqysy keletin azamattarǵa múmkindik berýi tiis. Jalpy memlekettiń, jeke kásipkerlerdiń sport nysandaryn ashyp, túrli sporttyq sektsiialar men úiirmeler qurýǵa uiytqy bolatyny qýantady.
Alaida mundai nysandardyń derligi iri qalalar men aýdan ortalyqtarynda ǵana ashylyp jatyr. Al aýyl umyt qaldy", – dep qynjylady áriptesimiz.
Sońǵy jyldary volonterlikpen ainalysyp, saýapty isti qolǵan alǵan Serik Mámbetov "talanttylar aýyldan shyǵady" degen ustanymdy ustanady. Onyń paiymdaýynsha, Almaty sekildi megapolisterde deneshynyqtyrý keshenderi, basseinder, fýtbol jáne hokkei alańdary jetip artylady. Al aýyl balalary dál osyndai infraqurylymǵa sýsap otyr.
"Qarapaiym deneshynyqtyrý keshenderi de aýyl balalary úshin qol jetkizbes arman.
Qalaǵa baryp, sporttyq úiirmege jazylǵysy kelse jer shalǵai. Aitalyq, Raiymbek aýylynan Almatyǵa qatynaý úshin aýyl balasy qanshama ýaqytyn joǵaltady. Aýyldan sharshap-shaldyǵyp ketken balanyń sport ainalysýǵa qulqy bolmaidy. Onyń ústine balany jalǵyz jiberý de myna zamanda óte-móte qaýipti.
Mine, osylaisha aýyldyń balalary elimizdegi sport igilikterin paidalana almai otyr. Osy sebepti biz budan shyǵýdyń naqty jolyn usynyp otyrmyz", – deidi volonter.
Mádeniet jáne sport ministrliginiń dereginshe, elimizdegi 1980 mektepte sportzal joq. Al aqyly sportzaldyń quny qymbat. Oiyn alańyn jalǵa alý quny 40-50 myń teńgeniń tóńireginde. Dene shynyqtyrý mamandarynyń tabysy da mardymsyz. Volonter-jýrnalist bul tyǵyryqtan shyǵýdyń jolyn usynyp otyr.
"Elimizde megajobalardan túbegeili bas tartatyn kez keldi. Bul sport salasyna da qatysy bar másele. Aýmaǵy at shaptyryp sport keshenderin sala bergenshe, shaǵyn úlgidegi, biýdjeti da yqsham infraqurylymdarǵa basymdyq berý qajet. Batysta bul úrdis baiaǵydan bar. Bularda mundai sport nysandary úige jaqyn jerde ornalasqan. Iaǵni, balanyń baryp-kelýine yńǵaily, bylaisha aitqanda qoljetimdi.
Aýyl sportyn sóz etken osy kontseptsiiaǵa súiený kerek. Shaǵyn sport alańdary balalarǵa shabyt beredi", – deidi ol.
Serik Mámbetovtyń aitýynsha aýyl balalary qala balalary beriletin múmkindikterden tys qalmaýy tiis. Qaladaǵy fýtbol alańdary aýyldyq jerlerde kóptep ashylýy qajet.
"Eski Qazaqstannyń kezindegidei "100 stadion, 100 bassein salamyz" deitin asyra silteýdi doǵarý qajet. Naýqanshyldyqty toqtatý kerek. Al sol 100 stadiondy qandai etip salý kerek degendi bireý zerttedi me? Joq. Sonyń bárin zerttemei turyp biz ǵalamat sport-saýyqtyrý keshenin salamyz, al aýyl balalary maldyń qiynyń ústinde dop teýip júr.
Taǵy da qaitalaiyn, aýyl balalarynyń baspanasyna jaqyn jerden shaǵyn alańdar salý kerek. Sonda másele sheshiledi. Basty suraq – qalai qarjylandyrý. Mine, bunda ákimder aralasý kerek – demeýshi tabý, jergilikti biýdjet, taǵysyn-taǵy", – deidi volonter-jýrnalist.
"Aýyl fýtbol" jobasyna qyzyǵýshylyq tanytyp otyrǵan kásipkerler joq emes. Almaty oblysynyń ákimdigi atalǵan bastamany qoldap otyr. Jobanyń respýblikalyq aýqymǵa kóterilýi qarjyǵa tirelip turǵany aitpasa da belgili. Búginge deiin elimizdiń birqatar óńirlerinde balalar fýtbolynan týrnirler ótkizildi.
"Bir fýtbol alańyn salý úshin 5 mln-nyń tóńireginde qarjy qajet bolady. Men úshin "Aýyl fýtbol" kommertsiialyq joba emes. Egerde biz aýyl sportyna, balalar fýtbolyna tek kommertsiialyq kózqaraspen qarar bolsaq, endeshe bul ispen múlde ainalyspai-aq qoiý qajet. Bul sizge legionerlerdi satyp alyp, biýdjetke qol salý emes. Meni volonter dep atańyzdar", – deidi áriptesimiz.
