Biyl veterinariialyq is-sharalardyń sapasyn arttyrý maqsatynda jergilikti biýdjetten qosymsha 352 mln teńge qarjy bólinip, 16 biopreparattardy saqtaýǵa arnalǵan kameralyq tońazytqysh, 178 birlik vitrinalyq tońazytqysh, 814 birlik termochemodan, 366 birlik it ustaýǵa arnalǵan ilmek jáne 390 birlik kompiýter jiyntyǵy alynǵan. Veterinariia qyzmetiniń jetistikterine toqtalǵan óńir basshysy aýyl sharýashylyǵy damyǵan oblys úshin osy salany damytý mańyzdy ekenin aitty.
– Memleket basshysy Qasym-Jomart Kemeluly Toqaev dástúrli Qazaqstan halqyna arnalǵan Joldaýynda veterinariia salasyn jetildirýge úlken mán berip, Úkimetke jyl sońyna deiin veterinariia júiesin reformalaý jóninde naqty sharalar qabyldaýdy tapsyrdy. Bul baǵytta Túrkistan oblysynda naqty jumys atqarylyp keledi. 2019 jyly aýdan, qalalardaǵy veterinariialyq uiymdar, oblystyq aýyl sharýashylyǵy basqarmasynyń quzyryna ótip, jaǵdaidy ortalyqtan baqylap turaqtandyrýǵa múmkindik ashyldy.
Veterinar dárigerlerin jyl boiyna turaqty jumyspen qamtyp, jalaqysyn 1,5 esege ulǵaittyq. Biyl veterinariialyq is-sharalardyń sapasyn artyrý úshin, oblystyq biýdjetten 352 mln. teńge qarjy bólip, nátijesinde ózderińiz kórip turǵandai, aýdan, qaladaǵy veterinariialyq uiymdardy arnaiy jabdyqtalǵan 16 birlik «ÝAZ» fermer avtokólikterimen qamtyp otyrmyz, – degen óńir basshysy osy saladaǵy ózge de ózgeristerdi ortaǵa saldy.
Búginde Túrkistan oblysyndaǵy aýdan, qalalardaǵy 16 veterinariialyq uiym biriktirilip, oblystyq «Veterinariialyq qyzmet» memlekettik-kommýnaldyq kásiporynyn qurý jóninde sheshim qabyldanǵan. Bul tájiribe elimizde alǵashqy ret qolǵa alynyp otyr. Nátijesinde aýdan, qalalardaǵy kómekshi-tehnikalyq personaldar qysqaryp, veterinar mamandarǵa almastyrylyp, osy bastamalar nátijesinde qyzmet sapasy jaqsarǵan. Sońǵy jyldary aýyl sharýashylyǵy janýarlary arasynda asa qaýipti aýrýlar tirkelmegen.
2021 jylǵa veterinariialyq qaýipsizdikti qamtamasyz etýge oblystyq biýdjetten 4,1 mlrd. teńge qarjy qaralyp, ótken jyldan 10 paiyzǵa ósti. Biyl 8 aida 16 asa qaýipti aýrýlarǵa qarsy 25,4 mln. doza vaktsina egildi. Tiisti preparattarmen 2,7 bas iri mal búrkildi, 9,1 mln. bas qoi-eshki toǵytyldy, qora jailar men býferlik aimaqtar zalalsyzdandyryldy. 48,4 myń bas qańǵybas it-mysyq aýlanǵan.
