بيىل ۆەتەرينارييالىق ٸس-شارالاردىڭ ساپاسىن ارتتىرۋ ماقساتىندا جەرگٸلٸكتٸ بيۋدجەتتەن قوسىمشا 352 ملن تەڭگە قارجى بٶلٸنٸپ, 16 بيوپرەپاراتتاردى ساقتاۋعا ارنالعان كامەرالىق توڭازىتقىش, 178 بٸرلٸك ۆيترينالىق توڭازىتقىش, 814 بٸرلٸك تەرموچەمودان, 366 بٸرلٸك يت ۇستاۋعا ارنالعان ٸلمەك جەنە 390 بٸرلٸك كومپيۋتەر جيىنتىعى الىنعان. ۆەتەرينارييا قىزمەتٸنٸڭ جەتٸستٸكتەرٸنە توقتالعان ٶڭٸر باسشىسى اۋىل شارۋاشىلىعى دامىعان وبلىس ٷشٸن وسى سالانى دامىتۋ ماڭىزدى ەكەنٸن ايتتى.
– مەملەكەت باسشىسى قاسىم-جومارت كەمەلۇلى توقاەۆ دەستٷرلٸ قازاقستان حالقىنا ارنالعان جولداۋىندا ۆەتەرينارييا سالاسىن جەتٸلدٸرۋگە ٷلكەن مەن بەرٸپ, ٷكٸمەتكە جىل سوڭىنا دەيٸن ۆەتەرينارييا جٷيەسٸن رەفورمالاۋ جٶنٸندە ناقتى شارالار قابىلداۋدى تاپسىردى. بۇل باعىتتا تٷركٸستان وبلىسىندا ناقتى جۇمىس اتقارىلىپ كەلەدٸ. 2019 جىلى اۋدان, قالالارداعى ۆەتەرينارييالىق ۇيىمدار, وبلىستىق اۋىل شارۋاشىلىعى باسقارماسىنىڭ قۇزىرىنا ٶتٸپ, جاعدايدى ورتالىقتان باقىلاپ تۇراقتاندىرۋعا مٷمكٸندٸك اشىلدى.
ۆەتەرينار دەرٸگەرلەرٸن جىل بويىنا تۇراقتى جۇمىسپەن قامتىپ, جالاقىسىن 1,5 ەسەگە ۇلعايتتىق. بيىل ۆەتەرينارييالىق ٸس-شارالاردىڭ ساپاسىن ارتىرۋ ٷشٸن, وبلىستىق بيۋدجەتتەن 352 ملن. تەڭگە قارجى بٶلٸپ, نەتيجەسٸندە ٶزدەرٸڭٸز كٶرٸپ تۇرعانداي, اۋدان, قالاداعى ۆەتەرينارييالىق ۇيىمداردى ارنايى جابدىقتالعان 16 بٸرلٸك «ۋاز» فەرمەر اۆتوكٶلٸكتەرٸمەن قامتىپ وتىرمىز, – دەگەن ٶڭٸر باسشىسى وسى سالاداعى ٶزگە دە ٶزگەرٸستەردٸ ورتاعا سالدى.
بٷگٸندە تٷركٸستان وبلىسىنداعى اۋدان, قالالارداعى 16 ۆەتەرينارييالىق ۇيىم بٸرٸكتٸرٸلٸپ, وبلىستىق «ۆەتەرينارييالىق قىزمەت» مەملەكەتتٸك-كوممۋنالدىق كەسٸپورىنىن قۇرۋ جٶنٸندە شەشٸم قابىلدانعان. بۇل تەجٸريبە ەلٸمٸزدە العاشقى رەت قولعا الىنىپ وتىر. نەتيجەسٸندە اۋدان, قالالارداعى كٶمەكشٸ-تەحنيكالىق پەرسونالدار قىسقارىپ, ۆەتەرينار ماماندارعا الماستىرىلىپ, وسى باستامالار نەتيجەسٸندە قىزمەت ساپاسى جاقسارعان. سوڭعى جىلدارى اۋىل شارۋاشىلىعى جانۋارلارى اراسىندا اسا قاۋٸپتٸ اۋرۋلار تٸركەلمەگەن.
2021 جىلعا ۆەتەرينارييالىق قاۋٸپسٸزدٸكتٸ قامتاماسىز ەتۋگە وبلىستىق بيۋدجەتتەن 4,1 ملرد. تەڭگە قارجى قارالىپ, ٶتكەن جىلدان 10 پايىزعا ٶستٸ. بيىل 8 ايدا 16 اسا قاۋٸپتٸ اۋرۋلارعا قارسى 25,4 ملن. دوزا ۆاكتسينا ەگٸلدٸ. تيٸستٸ پرەپاراتتارمەن 2,7 باس ٸرٸ مال بٷركٸلدٸ, 9,1 ملن. باس قوي-ەشكٸ توعىتىلدى, قورا جايلار مەن بۋفەرلٸك ايماقتار زالالسىزداندىرىلدى. 48,4 مىڭ باس قاڭعىباس يت-مىسىق اۋلانعان.
