Buryn birneshe BAQ-ta jumys istep, keiingi jyldary «Vedomosti Kazahstana» jelilik basylymyn basqarǵan jýrnalist Valerii Sýrganov halyqaralyq izdeýge jariialandy, dep habarlaidy dalanews.kz.
Oǵan Qazaqstan Respýblikasy Qylmystyq kodeksiniń 274-baby boiynsha kórineý jalǵan aqparat taratty degen kúdik keltirilgen. Qylmystyq isti Astana qalasynyń politsiia departamenti tergep jatyr.
«Ádil sóz» halyqaralyq sóz bostandyǵyn qorǵaý qorynyń málimetinshe, buǵan deiin Sýrganovqa sýdia Daniia Kisikovaǵa jala japty degen aiyp taǵylǵanymen, bul is taraptardyń tatýlasýymen aiaqtalǵan. Al 2026 jyldyń kókteminde jýrnalist qorlaý isi boiynsha kináli dep tanylyp, 90 saǵat qoǵamdyq jumysqa tartylǵan.
