Vainer Meiirjan Tórebaev pen Meiirhan Sherniiazov koloniiaǵa aýystyryldy, - dep habarlaidy Dalanews.kz Tengrinews.kz-ke siltep.
Vainerler jazasyn Pavlodar oblysynda óteidi.
Meiirjan Tórebaev "№44 mekeme" RMM-de jazasyn ótep jatyr. 13 naýryzdan bastap ol IIM Qylmystyq-atqarý júiesi mekemeleriniń "Eńbek" ShJQ RMK "Eńbek-Pavlodar" filialynda jumysqa ornalasqan.
Meiirhan Sherniiazov ta "№44 mekemede" jazasyn ótep jatyr, 13 naýryzdan bastap IIM QAJK vedomstvolyq qyzmetinde "Eńbek-Pavlodar" RMM-de jumysqa ornalasty.
Pavlodar oblysy boiynsha QAJD "Eńbek-Pavlodar" RMM sottalǵandardy jumyspen qamtýmen jáne tamaqtandyrýdy uiymdastyrýmen ainalysady" dep túsindirdi.
Tórebaev pen Sherniiazov byltyr Mudarabah Capital qarjylyq piramidasy isi boiynsha sottalǵan bolatyn. 2023 jyly 23 maýsymda vainerlerden bólek qarjylyq piramidasyna qatysy bar taǵy birneshe adamǵa sot úkimi shyqty.
Aiyptalýshy 12 adam. Onyń ishinde, tanymal vainerler Meiirjan Tórebaev pen Meiirhan Sherniiazov bar.
Tórebaev pen Sherniiazovtan basqa sottalýshylardyń barlyǵy derlik Qylmystyq kodekstiń 262-baby boiynsha ("Uiymdasqan top, qylmystyq uiym qurý jáne olarǵa basshylyq etý, sol siiaqty olarǵa qatysý") kináli dep tanyldy.
Vainerler tek 217-bap (Qarjylyq (investitsiialyq) piramidany qurý jáne oǵan basshylyq etý) boiynsha kináli dep tanyldy. Sot úkimimen kúdiktilerge bas bostandyǵynan aiyrýdyń túrli merzimderi taǵaiyndaldy.
Sot úkimi boiynsha Meiirhan Sherniiazov bir bap boiynsha kináli dep tanylyp, 5 jylǵa, Meiirjan Tórebaev ta tek bir bap boiynsha kináli dep tanylyp, 5 jylǵa sottaldy.
