Qarjy pıramıdasyna qatysy bolǵany úshin sottalǵan vaıner Meıirhan Shernıazov bostandyqqa shyqty, dep habarlaıdy Dalanews.kz.

Bul týraly akterdiń ózi áleýmettik jelidegi paraqshasynda habarlady. 

Eske salsaq, 2023 jyldyń maýsymynda Tórebaev pen Shernıazov qarjy (ınvestısıalyq) pıramıdasyn qurý jáne basqarý boıynsha kináli dep tanylǵan bolatyn.

Olardyń árqaısy bes jylǵa bas bostandyǵynan aıyrylǵan. Bul is boıynsha qalǵan aıyptalýshylar 8 jyldan 14 jylǵa deıingi merzimge sottaldy.

Qazan aıynyń sońynda sottalǵan vaınerler Meıirjan Tórebaev pen Meıirhan Shernıazyov Pavlodar kolonıasynan turǵylyqty mekenjaıy boıynsha Almatyǵa etappen jetkizilgeni belgili boldy.

QAJK bul jaǵdaıdy "Almaty qalasyndaǵy mekemedegi ustalatyn adamdar lımıtiniń ulǵaıýymen" túsindirdi.

Jeltoqsan aıynyń basynda QAJK sottalǵan vaınerler Meıirjan Tórebaev pen Meıirhan Shernıazyovtyń jumysqa ornalasqany týraly habarlady.