«Vaktsinatsiialaýdan basqa amal joq» – Almatynyń Assambleia belsendileri almatylyqtarǵa úndeý joldady
– Bizdiń mindet, Almaty qalasyndaǵy Qazaqstan halqy Assambleiasynyń mindeti – jurtshylyqtyń nazaryn pandemiiany toqtatýǵa aýdarý. Bárimizge belgili, ol úshin áleýmettik qashyqtyqty, betperde rejimin saqtaý, adamdar kóp jinalatyn jerlerge barmaý kerek. Eń bastysy – halyqtyń vaktsinalanýy. Basqa balama joq. Buǵan men jeke ózim kóz jetkizdim. Kóptegen tanystarym men dostarym koronavirýstan qaitys boldy. Bul qaýipti dert eshkimdi aiamaidy, – dedi QHA qalalyq filialynyń Qoǵamdyq kelisim keńesiniń tóraǵasy Ahmetjan Shardinov.
[video width="848" height="480" mp4="https://dalanews.kz/wp-content/uploads/2021/08/Video-2021-01.mp4"][/video]
Assambleia músheleri eńbek ujymdary arasyndaǵy túsindirý jumystaryna erekshe nazar aýdarý kerek dep esepteidi. Vaktsinalanýdan basqa, sanitarlyq dárigerdiń basqa da talaptaryn saqtaý mańyzdy – bul maska taǵý, áleýmettik qashyqtyqty saqtaý jáne qoldy taza ustaý. QHA músheleri atalǵan sharalardyń barlyǵyn keshendi oryndaý el ekonomikasyna oń yqpal etetinine senimdi.
– Biz men jumys isteitin AKQZ-temiz. Bizdiń jumysshylardyń 90%-y vaktsinalanǵan – bul jarnama úshin emes, adamdardyń qaýipsizdigi, laiyqty jalaqy alýy, otbasyn asyraýy úshin jasaldy. Bul kásiporynda «Ashyq» júiesi engizilgen. Densaýlyq pýnkti jumys isteidi, qashyqtyq, maska rejimi saqtalady, – dedi Ahmetjan Shardinov.
[video width="848" height="480" mp4="https://dalanews.kz/wp-content/uploads/2021/08/Video-2021-04.mp4"][/video]
Qalalyq QHA múshesi Jánibek Nálibaev ta qala turǵyndaryn vaktsina saldyrýǵa, múmkindiginshe buqaralyq is-sharalardy, toilardy uiymdastyrmaýǵa,olardy toqtatýǵa úndedi. Ol barlyq epidemiologiialyq talaptardyń saqtalmaitynyn ókinishpen aityp ótti. Sondyqtan, halyqtyń densaýlyǵyn qorǵaý úshin vaktsinalaný qajet. Ekpeniń tiimdiligi, qaýipsizdigi týraly jariialanymdardy oqý da paidaly.
«Ildash» tatar ortalyǵynyń ókilderi azamattardy túsinigin jetildirý maqsatynda jumysqa epidemiologtar men infektsionisterdi tarta bastady. Mamandar beine bailanys arqyly almatylyqtarǵa immýndaýdyń artyqshylyqtaryn túsindirýde. Bul týraly ortalyq basshysy Nuriia Niiazova aitty. Ol bul sharanyń jalǵan mifterdi joiýǵa jáne halyqqa saýatty keńes berýge baǵyttalǵanyn atap ótti.
[video width="848" height="480" mp4="https://dalanews.kz/wp-content/uploads/2021/08/Video-2021-02.mp4"][/video]
– Qurmetti almatylyq turǵyndar, vaktsinalanýǵa qarsylyq bildirgen spikerlerdi tyńdaǵanda olar dálel retinde keltiretin faktilerdi mindetti túrde tekserińizder. Munda tek quzyrly derekterge, saýatty mamandarǵa ǵana júgingen jón! – dedi QHA qalalyq filialy tóraǵasynyń orynbasary Nuriia Niiazova. Ol óziniń vaktsinalanǵanyn jáne sonyń arqasynda jumysyn jalǵastyryp jatqanyn atap ótti.
Almatydaǵy QHA ǵylymi-saraptamalyq toby tóraǵasynyń orynbasary Svetlana Ananeva:
[video width="848" height="480" mp4="https://dalanews.kz/wp-content/uploads/2021/08/Video-2021-03.mp4"][/video]
– Vaktsinalanýsyz biz qoǵamda belgili bir shekti deńgeige jete almaimyz. Dertti jeńý úshin mindetti túrde ekpe alǵan jón. Infektsiiany juqtyrǵandardyń bireýiniń jaǵdaiy jeńil, al ekinshisiniki aýyr bolýy múmkin. Tek vaktsinalaný ǵana qoǵamdy qaýipti dertten jáne elimizdi aýyr zardaptardan saqtaidy, – dedi.
Eske salsaq, 2021 jyldyń 23 tamyz kúni jaǵdai boiynsha koronavirýstyq infektsiianyń 1 505 jańa jaǵdaiy tirkeldi (jergilikti), onyń 1 441 simptomdyq belgileri bar jáne 64 simptomsyz. Barlyq emdelip shyǵarylǵandar – 1 035, kelip túskeni – 582. Infektsiialyq statsionarlarda jalpy sany 6 104 adam (onyń ishinde 162 bala) emdelip jatyr. Jalpy reanimatsiia jáne qarqyndy terapiia bólimshesinde – 472. Búgingi tańda AMSK men Telemeditsina ortalyǵy dárigerleriniń baqylaýynda 13 349 naýqas baqylaýda.
Ótken táýlikterde 1-komponentpen 3 971 adam, 2-komponetpen 7 746 adam vaktsinalandy. 01.02.2021-23.08.2021 jyl aralyǵynda qala boiynsha 1-komponentti 845 957 adam, 2-komponentti 684 119 adam saldyrdy. Vaktsina alǵandardyń jalpy sanynan 60 jastan asqan qart kisiler 109 901 adamdy quraidy.
Almatylyqtardy vaktsinalanýǵa shaqyrady. Qalada meditsinalyq uiymdarda, mádeniet, sport obektilerinde, bazarlarda jáne qalanyń SOSO-da 160 vaktsinalaý pýnkti (250-ge deiin keńeitý múmkindigimen) jumys isteidi. Quramynda 1 028 adam bar 237 ekpe brigadasy jumyldyryldy.
