Shymkent qalalyq sanıtarıalyq-epıdemıologıalyq baqylaý departamentiniń málimetinshe, emhanalardaǵy ekpe egý kabınetteriniń barlyǵy qajetti jabdyqtarmen qamtamasyz etilgen. Ekpe salatyn qyzmetkerler arnaıy oqytýdan ótken.
Departament mamandarynyń málimetinshe, koronavırýs ınfeksıasyna qarsy ekpe egilgen azamattardyń densaýlyǵy jaqsy. Ekpeden keıin asqynýlar tirkelgen joq.
Vaksınasıalaý kezinde turǵyndar óndirýshiler boıynsha (QazVac, Hayat-Vax SARS-CoV-2 nemese Sputnik V) vaksınany tańdaýǵa múmkindigi bar.
Aıta ketsek, Qazaqstan Respýblıkasynyń Bas memlekettik sanıtarıalyq dárigeriniń qaýlysyna sáıkes, QazVac (QazCovid-in) vaksınasy 21 kúndik ıntervalmen 0,5 ml-den eki rettik dozamen salynady. Al Hayat-Vax SARS-CoV-2 (Vero Cell) vaksınasy 2-4 apta ıntervalmen 0,5 ml-den eki rettik dozamen egiledi.
Qazaqstan Respýblıkasynyń Bas memlekettik sanıtarıalyq dárigeriniń qaýlysyna sáıkes, «Gam-KOVID-Vak (Spýtnık V)» ekpesi boıynsha vaksınalaý kestesine ózgerister engizildi. Vaksınanyń birinshi jáne ekinshi komponentteri arasyndaǵy ınterval 45 kún bolyp belgilenip otyr. Keıbir jaǵdaılarǵa baılanysty, azamattardyń ótinishiniń negizinde 21 kúnnen 90 kún kezeńinde atalǵan vaksınanyń İİ komponentin alýǵa múmkindigi bar.
Sondaı-aq, jańa qaýlyǵa sáıkes, «Gam-KOVID-Vak (Spýtnık V)» vaksınasıasy eki kezeńmen júrgiziledi. 0,5 ml dozada I komponent, sodan keıin vaksınasıa kúnin eseptemegende 45 kúnnen keıin 0,5 ml dozada II komponent salynady.
