"Elimizdiń úsh óńirinde vaktsinalaý tólqujattaryn satqan meditsina qyzmetkerleri ustaldy. Olar ekpe saldyrmaǵan adamdarǵa qujat bergen. Al vaktsinany tógip tastaǵan.
Kórip otyrǵanyńyzdai, halyqtyń densaýlyǵy paida tabý obektisine ainaldy, al biýdjetten bólingen aqsha tekke ketip jatyr. Osyndai jalǵan tólqujat alǵan adamdar bizdiń qasymyzda júredi, bir kólikke minedi, bir ushaqpen ushady, - dedi Ahmetjanov birinshi jartyjyldyqtaǵy jumysty qorytyndylaǵan agenttiktiń alqaly jiynynda.
Ol qolǵa alynǵan bul baǵyttaǵy jumystar jalǵasatynyn atap ótti.
Resmi málimetke sáikes, zań buzǵan dárigerler Nur-Sultan qalasynda, sondai-aq, Aqmola jáne Almaty oblystarynda ustaldy.
Budan bólek, pandemiiamen kúres sharalaryna bólingen qarjyny jumsaýǵa qatysty 104 sybailas jemqorlyq faktisi anyqtaldy. Agenttik basshysynyń sózine qaraǵanda, meditsinalyq qural-jabdyqty satyp alý kezinde biýdjet qarjysyn jymqyrý áreketteri áli kúnge deiin tyiylmai tur.
"Shymkent qalasynda densaýlyq saqtaý basqarmasy basshysynyń orynbasary Myrzaqulov meditsinalyq tehnikany tym joǵary baǵamen satyp alý faktisi boiynsha sottaldy. Biýdjetke 1,5 milliard teńgeniń shyǵyny keldi. Dál sondai faktiler Mańǵystaý oblysynda anyqtalǵan bolatyn. Ol jaqta densaýlyq saqtaý basqarmasynyń basshysy Jamanbaev sottaldy", – dep atap kórsetti Ahmetjanov.
