Kásipker áıelderdiń pikirinshe, vaksınanyń arqasynda karantındik sharalar jeńildetilip, bıznes tolyqtaı jumys isteı alady.
– BusinessWomenKZ – áıelder bıznesin qoldaıtyn jáne damytatyn respýblıkalyq uıym. Biz búkil halyqty vaksınasıaǵa shaqyramyz. Vaksınany ózimiz de aldyq. Órship turǵan epıdemıa halyq úshin qaýipti. Biz de karantınnen sharshadyq. Eger halyqtyń basym kópshiligi vaksına qabyldap, densaýlyǵyna qarasa, burynǵy ómirimizge qaıta oralar edik, – dedi BusinessWomenKZ QB basqarma tóraǵasy Sáýle Qaısar.
Bilim al oqý ortalyǵynyń basshysy Raıgúl Serikbaeva óz sózinde karantınge baılanysty bıznes úlken shyǵynǵa ushyraǵanyn atap ótti.
– Men kópbalaly anamyn. Biz eshkimnen eshnárse suramaımyz. Tek memleket pen demeýshiler ǵana bizdi qoldap otyr. Qazirgi ýaqytta bıznesimiz nyǵaıyp, elordada eki fılıalyn ashtyq. Endi odan ári damytý úshin COVID-19 indetimen kúresýimiz kerek. Meniń oıymsha, odan qutylýdyń tıimdi ádisi – vaksınasıa. Men ózim «Spýtnık V» vaksınasyn aldym. Endi ekinshi komponentin kútýdemin. Biz úshin basty problemanyń biri – karantın. Ata-analar balalaryn ınfeksıa juqtyrýy múmkin dep qorqyp, oqý ortalyǵyna jibermeıdi. Sondyqtan bul qıyndyqtardy jeńý úshin jappaı vaksınasıalaý kerek, – deıdi ol.
BusinessWomenKZ jobasynyń taǵy bir ókili Kamına Baıbolova ótken jyly karantınniń basynda tigin sheberhanasyn ashyp, elorda turǵyndaryn maskalarmen qamtamasyz etýge óz úlesin qosqan bolatyn.
– Astana Altyn shańyraq uıasy» tigin sheberhanasyn ashqanymyzǵa bir jylǵa jýyq ýaqyt boldy. Tigin sheberhanasyn elorda ákimi Altaı Seıdirulynyń qoldaýymen kópbalaly analar úshin ashtyq. Ótken jyly karantınge baılanysty kún saıyn 5000-nan astam maska tiktik. Medısına qyzmetkerlerine arnalǵan halattar tigýmen de aınalystyq. Qazir bárimiz muqıat bolyp, densaýlyǵymyzdy kútýimiz kerek. Men ózim 10 balanyń anasymyn. Balalarym vaksına aldy. Saqtyq sharalaryn saqtaımyz jáne ózgelerdi de vaksınasıalaýǵa shaqyramyz. Bıznesimiz ary qaraı da damyǵanyn, koronavırýs epıdemıasynyń basylǵanyn qalar edik, – deıdi kópbalaly ana.
Altynaı Rysqulovanyń otbasylyq bıznesi qoldan jasalǵan shokolad ónimderimen aınalysady. Kásipkerdiń aıtýynsha karantın onyń tabysyna da keri áser etipti.
– Bizdiń otbasylyq kásibimiz bar, qoldan jasalǵan shokolad óndirýmen aınalysamyz. Bıznestiń quldyramaı, ary qaraı damýy úshin, ári bizdiń de kásibimiz órge júrýi úshin vaksına qabyldaýǵa shaqyramyn, – dep atap ótti ol.
Qoǵamdyq tamaqtaný nysandarynyń ıeleri jappaı vaksınasıalaýdy qoldaıdy. Sebebi osynyń arqasynda qala turǵyndary men bıznes burynǵy ómirge orala alady.
Olardyń arasynda Asyltas Dildebaeva da bar:
– Riza Ball meıramhanasynyń atynan men bárin vaksınasıalaýǵa shaqyramyn. Meıramhananyń, barlardyń kafelerdiń esigin tolyq ashaıyq. Biz jumys isteýimiz kerek, – dedi kásipker áıel.
