– Barlyq jaǵdailar Densaýlyq saqtaý ministrliginiń baqylaýynda. Almaty oblysynda alǵashqy jaǵdai qalalyq perzenthanada jumys istegen áriptesimizge qatysty tirkeldi. Komissiianyń jumysy aiaqtaldy. Ol sozylmaly júrek aýrýymen aýyrǵan, dispanserlik esepte turǵan, biraq ýaqtyly dárigerge qaralmaǵan, gipertenziiaǵa qarsy dári ishpegen.
Sondai-aq, komissiia vaktsinalardy saqtaý jáne ony meditsinalyq uiymnyń qabyldaýyna deiingi barlyq joldardy, barlyq sanitarlyq normalarǵa sáikestigin taldady.
Sot-meditsinalyq zertteýdiń nátijeleri daiyn jáne komissiianyń sheshýshi qorytyndysyna sáikes, bul vaktsina virýsomiia týdyrýy múmkin emes ekenin eskerildi, iaǵni dál osy naýqastyń máiitinen virýsomiia belgileri nemese virýstarmen, atap aitqanda koronavirýs virýsymen organdardyń zaqymdaný belgileri anyqtalmady, soǵan sáikes ólimge epkeniń qatysy joqtyǵy naqtylandy.
Negizgi sebep - sozylmaly júrek talmasy aýrýy, onyń vaktsinatsiiamen eshqandai bailanysy joq, - dep túsindirdi Ǵinaiat.
Ol taǵy birneshe isti tergeýdiń qazirgi jaǵdaiy týraly aitty.
Ekinshi jaǵdai - Almatyda dárigerge qaralmaǵan, dispanserlik esepte turmaǵan, qalalyq emhanada vaktsinanyń ekinshi komponentin alǵan er adam.
– Naýqasta qan qysymy kóterilip, júrek aýrýy bolǵan. Bul másele boiynsha sot-meditsinalyq saraptama áli aiaqtalǵan joq, komissiia jumys istep jatyr, sondyqtan onyń áli qorytyndysy shyqqan joq.
Aqtóbe oblysynda úshinshi jaǵdai tirkeldi. Aqtóbe oblysynyń densaýlyq saqtaý basqarmasy komissiiasynyń qorytyndysyna sáikes, naýqas sozylmaly aýrýǵa shaldyqqan, bul kóbine ishemiialyq insýltke alyp keletin aritmiia. Onyń da vaktsinatsiiamen bailanysy anyqtalǵan joq.
Búgingi kúnge deiingi tórtinshi is - ekinshi komponentti alǵanyna 12-shi kún bolǵan naýqastyń jaǵdaiy. Biraq bul arada da komissiia jumys isteidi, onyń qoyrtyndysyn qosymsha habarlaimyz, - dep sózin aiaqtady vitse-ministr.
