Qarjylyq monitoring agenttiginiń Abai oblysy boiynsha departamenti "Rakhat0425" qarjy piramidasynyń qyzmetin toqtatty, dep habarlaidy Dalanews.kz.
Departament málimetinshe, qarjy piramidamasyn uiymdastyrýshylar azamattardan memlekettik satyp alýǵa qatysy bar jalǵan investitsiialyq jobaǵa qarajat tartyp, 30% dividend ýáde etken.
"Nátijesinde 350 adamnan 790 million teńgeden astam qarajat jinalǵan. Sonymen qatar, kúdiktiler azamattardy páterlerin tómen baǵamen berýge kóndirip, keiin olardy úshinshi tulǵalardyń atyna rásimdegen. Bul múlik "investitsiialyq jarna" retinde baǵalanǵan. Qazirgi ýaqytta eki kúdikti qamaýǵa alynyp, úshinshisine úiqamaq túrindegi bultartpaý sharasy qoldanyldy", delingen resmi habarlamada.
Sondai-aq QR QPK-niń 201-babyna sáikes ózge aqparat jariia etýge jatpaityny naqtylanady.
Buǵan deiin Qarjylyq monitoring agenttiginiń Almaty qalasy boiynsha departamenti "Warner Bros", "Roborock" jáne "NFT+TRX" qarjylyq piramidalarynyń qyzmetin toqtatqanyn jazǵanbyz. Qarjylyq piramida uiymdastyrýshylary salymshylardy treilerlerdi kórý arqyly joǵary paida alý degen syltaýmen jobalarǵa investitsiia salýǵa kóndirgen.
