Úiqamaqta otyrǵan eks-ministr Birtanovtyń sýreti jelige tarap ketti
Eske sala keteiik, 2020 jyldyń 3 qarashasynda burynǵy Densaýlyq saqtaý ministri Eljan Birtanov biýdjet qarajatyn ysyrap etti degen kúdikpen qamaýǵa alyndy.
22 aqpanda Nur-Sultan qalasynyń aýdanaralyq tergeý soty eks-ministr Eljan Birtanovty úiqamaqta ustaý merzimin 2021 jyldyń naýryz aiynyń sońyna deiin uzartty. Sosyn eks-ministrdi úiqamaqta ustaý merzimi 30 sáýirge deiin uzartyldy.
Al, naýryz aiynyń sońynda burynǵy bas dárigerdiń qorǵaýshysy Dmitrii Kýriachenko BAQ-qa suhbat berip, eks-ministr Eljan Birtanovtyń densaýlyǵy syr bergenin aitty. Sondai-aq advokat ony úiqamaqta negizsiz ustap otyrǵanyna narazy.
2020 jyldyń 25 maýsymynda Memleket basshysynyń jarlyǵymen Eljan Birtanov Densaýlyq saqtaý ministri qyzmetinen bosatyldy.
Eljan Amantaiuly Birtanov 1971 jylǵy 18 qazanda Jambyl qalasynda dúniege keldi. Almaty memlekettik meditsina ýniversitetin, Arizona shtatynyń ýniversitetin, Reseide diplomnan keiingi meditsinalyq bilim akademiiasyn, Sharite Ýniversitettik klinikasyn (Germaniia), Turan ýniversitetin, Duke University, Fugua School of Business (AQSh), Global Executive MVA magistratýrasyn bitirdi.
Almaty qalasynda jedel meditsinalyq kómek aýrýhanasynyń reanimatolog-dárigeri, Respýblikalyq toksikologiia ortalyǵynyń basshysy, Densaýlyq saqtaý ministrliginiń bas toksikology, Densaýlyq saqtaý ministrliginiń «Densaýlyq saqtaýdy damytý institýty» RMK direktory, QR Premer-ministriniń keńesshisi, «Ulttyq meditsinalyq holding» AQ basqarma tóraǵasynyń orynbasary, Densaýlyq saqtaý vitse-ministri, «Ulttyq meditsinalyq holding» AQ basqarma tóraǵasy bolyp jumys istedi.
2014 jylǵy mamyrdan bastap - Memlekettik-jekemenshi áriptestik jobalaryn súiemeldeý ortalyǵy basqarmasynyń tóraǵasy boldy. 2015 jylǵy 12 qarashadan bastap – Densaýlyq saqtaý jáne áleýmettik damý vitse-ministri boldy. 2017 jylǵy 25 qańtardan bastap Densaýlyq saqtaý ministri qyzmetin atqardy.
Derekkóz: azattyq-ruhy.kz
