ەسكە سالا كەتەيىك، 2020 جىلدىڭ 3 قاراشاسىندا بۇرىنعى دەنساۋلىق ساقتاۋ ءمينيسترى ەلجان ءبىرتانوۆ بيۋدجەت قاراجاتىن ىسىراپ ەتتى دەگەن كۇدىكپەن قاماۋعا الىندى.
22 اقپاندا نۇر-سۇلتان قالاسىنىڭ اۋدانارالىق تەرگەۋ سوتى ەكس-مينيستر ەلجان ءبىرتانوۆتى ءۇيقاماقتا ۇستاۋ مەرزىمىن 2021 جىلدىڭ ناۋرىز ايىنىڭ سوڭىنا دەيىن ۇزارتتى. سوسىن ەكس-مينيستردى ءۇيقاماقتا ۇستاۋ مەرزىمى 30 ساۋىرگە دەيىن ۇزارتىلدى.
ال، ناۋرىز ايىنىڭ سوڭىندا بۇرىنعى باس دارىگەردىڭ قورعاۋشىسى دميتريي كۋرياچەنكو باق-قا سۇحبات بەرىپ، ەكس-مينيستر ەلجان ءبىرتانوۆتىڭ دەنساۋلىعى سىر بەرگەنىن ايتتى. سونداي-اق ادۆوكات ونى ءۇيقاماقتا نەگىزسىز ۇستاپ وتىرعانىنا نارازى.
2020 جىلدىڭ 25 ماۋسىمىندا مەملەكەت باسشىسىنىڭ جارلىعىمەن ەلجان ءبىرتانوۆ دەنساۋلىق ساقتاۋ ءمينيسترى قىزمەتىنەن بوساتىلدى.
ەلجان امانتاي ۇلى ءبىرتانوۆ 1971 جىلعى 18 قازاندا جامبىل قالاسىندا دۇنيەگە كەلدى. الماتى مەملەكەتتىك مەديسينا ۋنيۆەرسيتەتىن، اريزونا شتاتىنىڭ ۋنيۆەرسيتەتىن، رەسەيدە ديپلومنان كەيىنگى مەديسينالىق ءبىلىم اكادەمياسىن، شاريتە ۋنيۆەرسيتەتتىك كلينيكاسىن (گەرمانيا)، تۇران ۋنيۆەرسيتەتىن، Duke University، Fugua School of Business (اقش)، Global Executive مۆا ماگيستراتۋراسىن ءبىتىردى.
الماتى قالاسىندا جەدەل مەديسينالىق كومەك اۋرۋحاناسىنىڭ رەانيماتولوگ-دارىگەرى، رەسپۋبليكالىق توكسيكولوگيا ورتالىعىنىڭ باسشىسى، دەنساۋلىق ساقتاۋ مينيسترلىگىنىڭ باس توكسيكولوگى، دەنساۋلىق ساقتاۋ مينيسترلىگىنىڭ «دەنساۋلىق ساقتاۋدى دامىتۋ ينستيتۋتى» رمك ديرەكتورى، ق ر پرەمەر-مينيسترىنىڭ كەڭەسشىسى، «ۇلتتىق مەديسينالىق حولدينگ» اق باسقارما ءتوراعاسىنىڭ ورىنباسارى، دەنساۋلىق ساقتاۋ ۆيسە-مينيسترى، «ۇلتتىق مەديسينالىق حولدينگ» اق باسقارما ءتوراعاسى بولىپ جۇمىس ىستەدى.
2014 جىلعى مامىردان باستاپ - مەملەكەتتىك-جەكەمەنشى ارىپتەستىك جوبالارىن سۇيەمەلدەۋ ورتالىعى باسقارماسىنىڭ ءتوراعاسى بولدى. 2015 جىلعى 12 قاراشادان باستاپ – دەنساۋلىق ساقتاۋ جانە الەۋمەتتىك دامۋ ۆيسە-مينيسترى بولدى. 2017 جىلعى 25 قاڭتاردان باستاپ دەنساۋلىق ساقتاۋ ءمينيسترى قىزمەتىن اتقاردى.
دەرەككوز: azattyq-ruhy.kz
