Advokat Nurlan Beisekeev eks-ministrdiń bultartpaý sharasyn ózgertip, sotty Nur-Sultanǵa aýystyrýdy ótingen. Shkarýpanyń qamaýda otyrý merzimi 16 jeltoqsanda aiaqtalǵan.
Bir jyldan beri Qaraǵandydaǵy tergeý abaqtysynda otyrǵan Anatolii Shkarýpa jeltoqsan aiynyń basynda el Prezidenti Qasym-Jomart Toqaevqa hat jazyp, «óziniń oidan shyǵarylǵan aiyptaýlar negizinde qamaýda otyrǵanyn» aitqan.
Bul is boiynsha Shkarýpadan bólek «Turǵyn úi-kommýnaldyq damý qory» kompaniiasynyń basqarma basshysy bolǵan Qaisar Baidaly men ENERCO kompaniiasynyń direktory Erlan Nabievke de aiyptar taǵylǵan. Úsheýi de memleket aqshasyn talan-tarajǵa saldy dep aiyptalyp jatyr.
Tergeý boljamyna sáikes, Shkarýpa Saran qalasynyń ákimi bolyp turǵan kezde kópqabatty úilerdi jylytý úshin jabdyqtar alýǵa bólingen 215 million teńgeden astam qarajat ENERCO kompaniiasyna zańsyz aýdarylǵan.
Advokat Nurlan Beisekeevtiń aitýynsha, qazir úilerdi jylytýǵa kerekti jabdyqtar satyp alynǵan. Biraq tapsyrysty alýshy kompaniia ortalyq qazandyqty sońyna deiin salmai qoiǵan.
