Ótken jyldyń jeltoqsan aıynan beri dollardyń teńgege shaqqandaǵy quny 9 paıyzǵa nemese 28 teńgege tómendep, 341-den 314 teńgege deıin jetken. Sarapshylardyń pikirinshe, mundaı jaǵdaıda aqshasyn AQSH valútasymen jınap otqan qazaqstandyqtar jalma-jan jyljymaıtyn múlik satyp ala bastaıdy.
– Valúta baǵamynyń qubylýynyń jyldam bop jatqany sonshalyq, turǵyn úı naryǵyndaǵy baǵalarǵa áser etip úlgermeı jatyr. Tıisinshe, úı baǵasy ózgerissiz. Al, úı alýǵa aqshany dollarmen jınap otyrǵan qazaqstandyqtar jınaǵynyń qunsyzdanyp bara jatqanyna alańdap, endi dereý úı ala bastaıdy. Máselen, byltyr jeltoqsan aıynda 50 myń dollar 17 mıllıon teńge bolsa, qazir 16 mıllıon teńgege deıin arzandap ketti. Al, baspana baǵasy bolsa áli ózgergen joq, – deıdi Homsters.kz portalynyń seriktes sarapshysy Marıa Ren.
Onyń aıtýynsha, aldaǵy ýaqytta jyljymaıtyn múlik naryǵynda baǵalar aıtarlyqtaı tómendeıdi. Óıtkeni, ekinshi deńgeıli naryqtaǵy úı satýshylary álige deıin dollarmen eseptesip otyr.
«Keıbir sarapshylardyń pikirinshe, teńge baǵamy jyl sońyna deıin dollarǵa shaqqanda taǵy nyǵaıyp, 1 dollar 290 teńgege teńesýi múmkin. Sondyqtan, muny eskergen satyp alýshylar dál qazir jappaı úı ala bastaıdy», – deıdi Ren.
Derekkózi: sn.kz
