وتكەن جىلدىڭ جەلتوقسان ايىنان بەرى دوللاردىڭ تەڭگەگە شاققانداعى قۇنى 9 پايىزعا نەمەسە 28 تەڭگەگە تومەندەپ، 341-دەن 314 تەڭگەگە دەيىن جەتكەن. ساراپشىلاردىڭ پىكىرىنشە، مۇنداي جاعدايدا اقشاسىن اقش ۆاليۋتاسىمەن جيناپ وتقان قازاقستاندىقتار جالما-جان جىلجىمايتىن مۇلىك ساتىپ الا باستايدى.
– ۆاليۋتا باعامىنىڭ قۇبىلۋىنىڭ جىلدام بوپ جاتقانى سونشالىق، تۇرعىن ءۇي نارىعىنداعى باعالارعا اسەر ەتىپ ۇلگەرمەي جاتىر. تيىسىنشە، ءۇي باعاسى وزگەرىسسىز. ال، ءۇي الۋعا اقشانى دوللارمەن جيناپ وتىرعان قازاقستاندىقتار جيناعىنىڭ قۇنسىزدانىپ بارا جاتقانىنا الاڭداپ، ەندى دەرەۋ ءۇي الا باستايدى. ماسەلەن، بىلتىر جەلتوقسان ايىندا 50 مىڭ دوللار 17 ميلليون تەڭگە بولسا، ءقازىر 16 ميلليون تەڭگەگە دەيىن ارزانداپ كەتتى. ال، باسپانا باعاسى بولسا ءالى وزگەرگەن جوق، – دەيدى Homsters.kz پورتالىنىڭ سەرىكتەس ساراپشىسى ماريا رەن.
ونىڭ ايتۋىنشا، الداعى ۋاقىتتا جىلجىمايتىن مۇلىك نارىعىندا باعالار ايتارلىقتاي تومەندەيدى. ويتكەنى، ەكىنشى دەڭگەيلى نارىقتاعى ءۇي ساتۋشىلارى الىگە دەيىن دوللارمەن ەسەپتەسىپ وتىر.
«كەيبىر ساراپشىلاردىڭ پىكىرىنشە، تەڭگە باعامى جىل سوڭىنا دەيىن دوللارعا شاققاندا تاعى نىعايىپ، 1 دوللار 290 تەڭگەگە تەڭەسۋى مۇمكىن. سوندىقتان، مۇنى ەسكەرگەن ساتىپ الۋشىلار ءدال ءقازىر جاپپاي ءۇي الا باستايدى»، – دەيدى رەن.
دەرەككوزى: sn.kz
