Depýtat Juldyz Súleimenova Oqý-aǵartý ministri Ǵani Beisembaevqa ún qatyp, óz pikiri bar ustazdardy qýdalaýdy toqtatýdy talap etti dep jazady Dalanews.kz.
Ol álemjelide ózin belgilep, janaiqaiyn jazǵan muǵalimderdiń kóp ekenin aitty.
«Máselen, Batys Qazaqstanda Tilekqabyl Nuryshev, Ońtústikte Ómir Shynybek sekildi muǵalimder bar. Olardy sotqa berip, qýdalaýmen júr. Ózińiz (ministrge qarata, red) ár suhbatyńyzda «Men ustazdardy qorǵan bolamyn» deisiz. Sonda atalǵan muǵalimderdi nege, nelikten sotqa berdi? Qýdalaý qashan neden bastaldy?» – deidi depýtat.
Artynsha Elordadaǵy nómir 90-shy gimnaziianyń direktory bolǵan Aiatjan Ahmetjanuly týraly da sóz qozǵady.
«Men sizge tikelei qyrkúiek aiynda litsenziiasyna, qorǵaýǵa qatysty suraq qoidym. Búgingi tańda arnaiy tekseris júrip jatyr eken. Ne úshin? Aiatjan Ahmetjandy qýdalaýdy toqtatyńyzdar. Munyń artynda Oqý-aǵartý ministrligi tursa, doǵaryńyzdar. Qytaidan bir qandasymyz kelip, ulttyq mektep quramyn dep júrse, qoldaýymyz kerek. Qoldai almadyq eken, tym bolmasa qýdalaýdy toqtataiyq. Ol eldigimizge de, azamattyǵymyzǵa da, sizge de syn», – deidi Juldyz Súleimenova.
