دەپۋتات جۇلدىز سٷلەيمەنوۆا وقۋ-اعارتۋ مينيسترٸ عاني بەيسەمباەۆقا ٷن قاتىپ, ٶز پٸكٸرٸ بار ۇستازداردى قۋدالاۋدى توقتاتۋدى تالاپ ەتتٸ دەپ جازادى Dalanews.kz.
ول ەلەمجەلٸدە ٶزٸن بەلگٸلەپ, جانايقايىن جازعان مۇعالٸمدەردٸڭ كٶپ ەكەنٸن ايتتى.
«مەسەلەن, باتىس قازاقستاندا تٸلەكقابىل نۇرىشەۆ, وڭتٷستٸكتە ٶمٸر شىنىبەك سەكٸلدٸ مۇعالٸمدەر بار. ولاردى سوتقا بەرٸپ, قۋدالاۋمەن جٷر. ٶزٸڭٸز (مينيسترگە قاراتا, رەد) ەر سۇحباتىڭىزدا «مەن ۇستازداردى قورعان بولامىن» دەيسٸز. سوندا اتالعان مۇعالٸمدەردٸ نەگە, نەلٸكتەن سوتقا بەردٸ? قۋدالاۋ قاشان نەدەن باستالدى?» – دەيدٸ دەپۋتات.
ارتىنشا ەلورداداعى نٶمٸر 90-شى گيمنازييانىڭ ديرەكتورى بولعان اياتجان احمەتجانۇلى تۋرالى دا سٶز قوزعادى.
«مەن سٸزگە تٸكەلەي قىركٷيەك ايىندا ليتسەنزيياسىنا, قورعاۋعا قاتىستى سۇراق قويدىم. بٷگٸنگٸ تاڭدا ارنايى تەكسەرٸس جٷرٸپ جاتىر ەكەن. نە ٷشٸن? اياتجان احمەتجاندى قۋدالاۋدى توقتاتىڭىزدار. مۇنىڭ ارتىندا وقۋ-اعارتۋ مينيسترلٸگٸ تۇرسا, دوعارىڭىزدار. قىتايدان بٸر قانداسىمىز كەلٸپ, ۇلتتىق مەكتەپ قۇرامىن دەپ جٷرسە, قولداۋىمىز كەرەك. قولداي المادىق ەكەن, تىم بولماسا قۋدالاۋدى توقتاتايىق. ول ەلدٸگٸمٸزگە دە, ازاماتتىعىمىزعا دا, سٸزگە دە سىن», – دەيدٸ جۇلدىز سٷلەيمەنوۆا.
