Ustazdar kúrdeli taqyryptardy oqýshylarǵa qaita túsindiretin boldy
Bilim ministrligi eki jyldyń ishinde olqylyqtardy túzetýge arnaiy baǵdarlama da ázirlep úlgerdi, dep habarlaidy Dalanews.kz KTK telearnasyna silteme jasap.
Sholpan Karina, QR Bilim jáne ǵylym vitse-ministri:
- Biz oqý sapasyn qadaǵaladyq. Birinshi kezekte elektrondy jýrnaldar tekserildi. Bul qujat búgingi kúni oqýshylardyń formativti jáne jiyntyq baǵalaýyn qadaǵalaýǵa múmkindik beredi. Oqý protsesi monitoringi kezinde muǵalimder men oqýshylar arasynda saýalnama júrgizdik. Búginde nátijesi qolymyzda. Kóptegen basqa elder siiaqty, bizdiń elde de matematika, tilderdi oqytý qiynǵa soqqan, olqylyqtar bar.
Búginde pedagogter oqý josparlaryn túzetýde. Olar oqýshylarǵa ótken kúrdeli taqyryptardy qaita túsindirýge mindetti. Al oqý úlgeriminiń qanshalyqty nasharlap ketkenine sheneýnikter mardymdy jaýap bermedi. Degenmen bilim sapasynyń tómendegenin pedagogter bilip otyr. Qazir mektepterdegi kezekshi synyptar jabylyp, balalar artalaryna qaita tolyq otyrdy.
Sanitarlyq talapty saqtaýǵa oqý ordalary bir synypty ekige bólip oqytýǵa májbúr. Mektepterde eki emes, tórt aýysym bar. Partada oqýshylar bir-birden jáne betperde taǵyp otyrýǵa tiis. 1-5 synyp oqýshylarynyń arasynda úiden bilim alatyndar da tabylǵan. Muǵalimder olardy da oqytyp úlgerip jatyr eken.
Roza Bolataeva, №50 Qazǵarysh mektep-litseiiniń direktory:
- Jylǵa jýyq otyryp qaldy. Pandemiia bilim sapasyna áser etti. Ony moiyndaýymyz kerek. Sol úshin de shtattyq rejimge tezdetip kóshirilip jatyrmyz. Endi bilim sál tómendep qaldy-aý degen oqýshylarǵa qosymsha tegin sabaq uiymdastyryp jatyrmyz.
