Sharaǵa QR Qorǵanys mınıstri Nurlan Ermekbaev, SHQMÝ rektory Muhtar Tólegen, ýnıversıtet oqytýshylary men stýdentteri, Ahmerovtar otbasy músheleri men qoǵam ókilderi qatysty.
Tarıh, fılologıa jáne halyqaralyq qatynastar fakúltetinde dóńgelek ústel uıymdastyrylyp, onda «Ǵıbratty ǵumyr» atty kitaptyń tusaýkeseri ótti. Onda Júrsinǵalı Jampeıisuly týraly dostary, áriptesteri, otbasymen shákirtteriniń estelikteri, sondaı-aq muraǵattyq qujattar men fotomaterıaldary keltirilgen.
Ol ýnıversıtette 39 jyl jumys atqaryp, Qazaqstan tarıhy kafedrasynyń asıstentinen aǵa oqytýshysyna deıingi qyzmettik joldy ótkeni belgili. Joǵaryda aıtylǵandaı, áriptesteri Júrsinǵalı Ahmerovty eske túsire otyryp, onyń ǵylymı-pedagogıkalyq qyzmetiniń suranysqa ıe bolǵanyn, al stýdentter onyń dáristerin asa yqylaspen tyńdap, semınarlarǵa úlken yntamen qatysqandyqtaryn atap ótti.
Júrsinǵalı Ahmerov tamasha sóz sheberi, ári uıymdastyrýshy bolǵan, jastarman úlken tárbıe jumystaryn ótkizip turǵan. Áriptesteriniń pikirinshe, onyń ózine degen talaby joǵary bolǵan, ǵylymı biliktilik deńgeıin únemi kóterip, oqylatyn pánderdi oqytý ádisterin únemi jetildirip otyrǵan.
Sharanyń qurmetti qonaǵy, QR Qorǵanys mınıstri Nurlan Ermekbaev qazirgi zamanǵa saı sandyq kabınettiń ashylýy tek Ahmerovtyń eńbegine degen yqylastyń belgisi ǵana emes, eń aldymen, bul ýnıversıtet pen táýelsiz Qazaqstannyń ǵylymynyń damýyna eleýli úles qosqan tulǵalar esimin tarıhta saqtaý jáneurpaqtar sabaqtastyǵyn qalyptastyrý bolyp tabylatynyn atap ótti.
Ýnıversıtettiń murajaıyn aralaý barysynda kezdesýge qatysýshylar Uly dalanyń baı mádenı murasyn beıneleıtin arheologıalyq tarıhı eskertkishterdiń biregeı ekspozısıalarymen, sondaı-aq SHQMÝ qalyptasýynyń negizgi kezeńderi, jetistikterijáne damý perspektıvalarymen tanysty.
«QmD» aqparat
