شاراعا ق ر قورعانىس ءمينيسترى نۇرلان ەرمەكبايەۆ، شقمۋ رەكتورى مۇحتار تولەگەن، ۋنيۆەرسيتەت وقىتۋشىلارى مەن ستۋدەنتتەرى، احمەروۆتار وتباسى مۇشەلەرى مەن قوعام وكىلدەرى قاتىستى.
تاريح، فيلولوگيا جانە حالىقارالىق قاتىناستار فاكۋلتەتىندە دوڭگەلەك ۇستەل ۇيىمداستىرىلىپ، وندا «عيبراتتى عۇمىر» اتتى كىتاپتىڭ تۇساۋكەسەرى ءوتتى. وندا ءجۇرسىنعالي جامپەيىس ۇلى تۋرالى دوستارى، ارىپتەستەرى، وتباسىمەن شاكىرتتەرىنىڭ ەستەلىكتەرى، سونداي-اق مۇراعاتتىق قۇجاتتار مەن فوتوماتەريالدارى كەلتىرىلگەن.
ول ۋنيۆەرسيتەتتە 39 جىل جۇمىس اتقارىپ، قازاقستان تاريحى كافەدراسىنىڭ اسسيستەنتىنەن اعا وقىتۋشىسىنا دەيىنگى قىزمەتتىك جولدى وتكەنى بەلگىلى. جوعارىدا ايتىلعانداي، ارىپتەستەرى ءجۇرسىنعالي احمەروۆتى ەسكە تۇسىرە وتىرىپ، ونىڭ عىلىمي-پەداگوگيكالىق قىزمەتىنىڭ سۇرانىسقا يە بولعانىن، ال ستۋدەنتتەر ونىڭ دارىستەرىن اسا ىقىلاسپەن تىڭداپ، سەمينارلارعا ۇلكەن ىنتامەن قاتىسقاندىقتارىن اتاپ ءوتتى.
ءجۇرسىنعالي احمەروۆ تاماشا ءسوز شەبەرى، ءارى ۇيىمداستىرۋشى بولعان، جاستارمان ۇلكەن تاربيە جۇمىستارىن وتكىزىپ تۇرعان. ارىپتەستەرىنىڭ پىكىرىنشە، ونىڭ وزىنە دەگەن تالابى جوعارى بولعان، عىلىمي بىلىكتىلىك دەڭگەيىن ۇنەمى كوتەرىپ، وقىلاتىن پاندەردى وقىتۋ ادىستەرىن ۇنەمى جەتىلدىرىپ وتىرعان.
شارانىڭ قۇرمەتتى قوناعى، ق ر قورعانىس ءمينيسترى نۇرلان ەرمەكبايەۆ قازىرگى زامانعا ساي ساندىق كابينەتتىڭ اشىلۋى تەك احمەروۆتىڭ ەڭبەگىنە دەگەن ىقىلاستىڭ بەلگىسى عانا ەمەس، ەڭ الدىمەن، بۇل ۋنيۆەرسيتەت پەن تاۋەلسىز قازاقستاننىڭ عىلىمىنىڭ دامۋىنا ەلەۋلى ۇلەس قوسقان تۇلعالار ەسىمىن تاريحتا ساقتاۋ جانەۇرپاقتار ساباقتاستىعىن قالىپتاستىرۋ بولىپ تابىلاتىنىن اتاپ ءوتتى.
ۋنيۆەرسيتەتتىڭ مۇراجايىن ارالاۋ بارىسىندا كەزدەسۋگە قاتىسۋشىلار ۇلى دالانىڭ باي مادەني مۇراسىن بەينەلەيتىن ارحەولوگيالىق تاريحي ەسكەرتكىشتەردىڭ بىرەگەي ەكسپوزيسيالارىمەن، سونداي-اق شقمۋ قالىپتاسۋىنىڭ نەگىزگى كەزەڭدەرى، جەتىستىكتەرىجانە دامۋ پەرسپەكتيۆالارىمەن تانىستى.
«قمد» اقپارات
